Birinchi haydovchisiz elektr yogʻoch qayig‘i Dubayda muvaffaqiyatli sinovdan oʻtkazildi

Texnologiya

15 may, 10:33

Sinov paytida qayiq haydovchisiz boshqariladigan dengiz transportlari koʻrsatkichlarida 6 dan 4 ballga baholandi.

Birinchi avtopilot rejimida harakatlanuvchi abra (arab. soyabonli anʼanaviy yogʻoch qayiq) Dubay yoʻllari va transport boshqarmasi (RTA) tomonidan sinovdan oʻtkazildi. Transport sakkiz yoʻlovchini tashishga moʻljallangan.

Loyiha mahalliy RTA Al Garhoud dengiz texnik xizmat koʻrsatish markazida Abra qayiqlarining oʻziga xosligini saqlab qolgan holda ishlab chiqarilgan.

Loyiha ahamiyatini tasavvur qilishingiz uchun kichik statistika: birgina 2022-yilda dengiz orqali 16 millionga yaqin yoʻlovchi tashilgan.

Elektr abra dizel dvigatelli modellarga nisbatan yuqori unumdorlik, nol uglerod chiqindilari, foydalanish va texnik xizmat koʻrsatish xarajatlarini 30% kamaytirish va shovqinsizligi bilan ajralib turadi. Qayiq maksimal tezligi 13 km/soat boʻlgan ikkita elektr motor, boshqaruv tizimi va yetti soatlik ishlashni taʼminlaydigan toʻrtta litiy batareya bilan jihozlangan. RTA Abra strukturasini loyihalashda yangi texnologiyalarni qoʻlladi va vaznni kamaytirish uchun korpus uchub shisha tolali materialdan foydalandi.

Qayiq, shuningdek, yoʻlidagi toʻsiqlarni aniqlaydi, boshqaruv markaziga tizimdagi har qanday nosozlik yoki ish rejasidan chetga chiqish haqida xabar beradi.

Avvalroq Chevrolet Tracker halokatga chidamlilik testidan oʻtkazilgandi (video).