Apple Vision Pro 2'ni toʻxtatib, iPhone'ning top narxidagi arzonroq Vision Pro'ga e'tibor qaratmoqda

The Information nashrining xabar berishicha, Apple ikkinchi avlod Vision Pro garniturasini ishlab chiqarishni vaqtincha toʻxtatib, yanada arzonroq model ustida ishlashga qaror qilgan. Dastlab, kompaniya birinchi avlodning tarkibiy qismlarini arzonlashtirish va kelgusi model uchun yangilangan displey ishlab chiqarishga e'tibor qaratgan. Endi esa, kamida bitta yetkazib beruvchi bilan ikkinchi avlod garniturasini toʻxtatganini va kamroq funksiyali, arzonroq Vision mahsuloti ustida ish olib borayotganini ma'lum qilgan.

Ma'lumotlarga koʻra, Apple 2022 yilida "N109" kod nomi ostida arzonroq qurilma ustida ishlashni boshlagan. Maqsad – ushbu modelni yuqori darajadagi iPhone'lar bilan bir xil narxda, taxminan 1600 dollar atrofida sotish. Qurilma ustida ishlar boshlanganida, Apple uni 2024 yil oxirida chiqarishni rejalashtirgan, lekin bu yil boshida hali ishlaydigan prototipi yoʻq. Kompaniya funktiyalardan voz kechmasdan narxini pasaytirish usullarini izlashda qiynalmoqda, bu esa chiqarilish muddatini 2025 yil oxiriga qoldirishi mumkin.

Apple arzonroq modelda Vision Pro'ning yuqori sifatli displey komponentlarini saqlab qolmoqchi, bu komponentlar qurilmaning eng qimmat qismlaridan biridir.

Apple, shuningdek, oʻzining arzonroq garniturasini Vision Pro'dan kamida uchdan bir qismga yengilroq qilishni xohlamoqda.

Ehtimol, Apple kelajakda Vision Pro ikkinchi avlod garniturasining ishlab chiqarishini qayta boshlaydi.