Apple smart xonadonlar uchun maxsus HomePod kolonkasining yangi va ixcham versiyasini ishlab chiqmoqda

Texnologiya

10 mart, 20:06

Taniqli tahlilchi Ming-Chi Kuoning soʻzlariga koʻra, Apple kompaniyasi HomePodʼning 7 dyuymli (~18 sm) displeyli, yangilangan ko‘rinishini tayyorlamoqda.

Kuoning taʼkidlashicha, HomePod displeyi boshqa Apple texnikalari bilan integratsiyasi sezilarli darajada yaxshilangan. Qurilma Google Nest Hub yoki Amazon Echo Shows kabi aqlli uylarni masofadan boshqarish pulti vazifasini bajaradi.

2021-yilda Bloomberg jurnalisti Mark Gurman, Apple haqiqatan ham displey va kameralarga ega HomePod’ning yangi modellari ustida ishlayotgani haqida xabar bergan edi. Shuningdek, Apple kompaniyasi aqlli uy strategiyasini qayta takomillashtirayotgan ham aytib o‘tilgandi.

Yangilangan HomePod 2024-yilning birinchi yarmida chiqarilishi kutilmoqda.

Ma’lumot uchun, Apple ilk HomePod kolonkasini 2017-yilda taqdim etgan bo‘lib, mazkur gadjet smart xonadonlarni to‘liq Apple boshqaruvga o‘tkazishga yordam beradi. Ko‘rinishidan ovozli yordamchi hisoblangan HomePod iPhone smartfonlari orqali boshqariladi va xonadoningiz bo‘ylab masofaviy boshqarilishi mumkin bo‘lgan texnikalarni ishlatish, musiqa qo‘yish yoki qo‘ng‘iroq qilish kabi vazifalarni bajaradi. Kolonkaga Siri ovozli yordamchisi o‘rnatilgan.