Apple iPhone bildirishnomalari va boshqaruvlari uchun aqlli uzuk ishlab chiqmoqchi
25 avgust, 18:08Aqlli uzuk bildirishnomalarni aks ettirib turuvchi yangicha qulay gadjet boʻladi.
Apple kompaniyasi “bosimga sezgir kirish halqasini kiritish qurilmasi” uchun yangi patent oldi.
Ushbu patent qoʻzgʻalmas markaziy halqa qatlami va aylanadigan tashqi qatlamli aqlli uzuk gʻoyasi uchun olingan. Aqlli uzuk asosan bildirishnoma qurilmasi va kiritish mexanizmi sifatida ishlaydi.
Aqlli uzuklar — bu aqlli soatlar bilan raqobatlasha oladigan taqiladigan qurilmalarning yangi toifasi. Bunday uzuklar alohida smart soat taqib yurishni istamaydiganlar yoki klassik soatlar bilan moslashtirib ishlatish uchun ajoyib variant hisoblanadi.
AppleInsider taʼkidlaganidek, Apple “bosimni sezuvchi kirish qurilmasi” uchun patent oldi. Ushbu maxsus patentda Apple uzukning anʼanaviy maʼnoda “aqlli uzuk” emas, balki bildirishnoma qurilmasi va kiritish mexanizmi sifatida harakat qilishiga imkon beruvchi mexanizmlarni oʻrganmoqda.
Patentda qurilma “smartfondan bildirishnoma olishi va tebranish signalini hosil qilishi” nazarda tutilgan. Bundan tashqari, uzuk aqlli soatlar, salomatlik monitoringi qurilmalari, minigarnituralar, quloqchinlar va boshqalar kabi taqiladigan qurilmalarga maʼlumot yuborishi mumkin.
Mavzuga oid
Soʻnggi yangiliklar
25 yanvar, 00:30
23 yanvar, 10:54
21 yanvar, 16:49
17 yanvar, 14:33
