Amerikada bir guruh odamlar Neuralink chiplarini miyasiga oʻrnatishga rozi boʻlishdi

Neuralink startapining asoschisi va bosh direktori Ilon Mask yaqinda miya implantlarini odamlarda sinovdan oʻtkazish uchun ruxsat olgan va mazkur operatsiyalarni mazkur yilda amalga oshirishni rejalashtirayotgandi.

Sinovlar uchun birinchi koʻngillilar oyoq-qoʻllarining harakatchanligi bilan bogʻliq muammoga ega bemorlar boʻladi. Bu haqda uning Parijdagi VivaTech konferensiyasidagi ishtiroki chogʻida maʼlum qilindi.

Oʻtgan oy Neuralink miya implantatsiyasi operatsiyalarini amalga oshirish uchun AQShda qonuniy ruxsat oldi. Ushbu ruxsatnoma, shuningdek, tibbiy-tadqiqot protseduralari uchun jarrohlik robotlaridan foydalanishni ham oʻz ichiga oladi.

Robotlar bemorning bosh suyagida kichik teshiklarni teshib, implantlarni joylashtiradi va ularni ingichka elektrodlar yordamida miya yarim shariga ulaydi.