70 km masofa va 25 km/s tezlikka ega Xiaomiʼdan yangi Electric Scooter 4 Ultra

Texnologiya

27 fevral, 14:02

Yangi model biz faqat smartfonlarga nisbatan ishlatib o‘rgangan Ultra tushunchasini kengaytirib yuborishi aniq — Yevropada taqdim etilgan yangi skuter shu paytgacha ishlab chiqarilganlarning eng tezkori boʻlmoqda.

Bir martalik quvvat bilan 70 km masofani bosib oʻtuvchi elektr skuterni 26-fevral kuni Mobile World Congress (MWC) koʻrgazmasida Xiaomi kompaniyasi taqdim etdi.

Yangi model Xiaomi Electric Scooter 4 Ultra deb nomlanadi va uning xususiyatlari koʻp jihatdan oldingi Xiaomi Electric Scooter 4 Pro’dan oʻzib ketadi.

Xiaomi Electric Scooter 4 Ultra texnik xususiyatlari:

alyuminiy qotishmadan tayyorlangan rama;

nominal quvvati — 500 vatt, maksimal — 940 vatt;

quvvat olish vaqti — 6,5 soat;

maksimal tezlik — 25 km/soat;

koʻtarilish uchun yoʻlning maksimal qiyalik burchagi — 25 daraja;

masofa davomiyligi — 70 km (≈ 75 kg yuk bilan hisoblanganda);

toʻrtta boshqaruv rejimi: piyoda, standart, sport va sport plyus;

IP55 standarti boʻyicha chang va namlikdan himoyaga ega;

ikkita tormoz kolodka, oʻn dyuymli Xiaomi DuraGel gʻildiraklari (oldingisi baraban, orqa tarafdagisi elektr);

Bluetooth va Xiaomi/Mi Home ilovalarini qoʻllab-quvvatlaydi;

maksimal yuk ortish — 120 kilogramm;

Buklangan holatdagi oʻlchamlari: 1200 × 550 × 535 mm;

Ochilmagan holatdagi oʻlchamlari: 1200 × 550 × 1260 mm;

Ogʻirligi — 25 kilogramm.

Mavzuga doir ⏩️ Xiaomi HIMO C26 elektrovelosipedi xususiyatlari va O‘zbekiston bozorlaridagi narxi ma’lum bo‘ldi.

Ajoyib ultra uslubdagi yangi Xiaomi Electric Scooter 4 Ultra mazkur yilning aprel oyida sotuvga chiqariladi. Narxi taxminan 1 000 dollardan boshlanadi.