Apple iPhone'ni Androidga oʻxshatmoqda

Smartfon

12 iyun, 13:06

iOS 18 ning chiqishi iPhone ni Androidga o‘xshatib qoʻymoqda.

iPhone foydalanuvchilari Apple'ning iOS 18 dasturiy yangilanishida asosiy ekran elementlarini sozlash imkoniyatiga ega boʻlishadi. Bu haqda kompaniya Apple WWDC24 Developer konferentsiyasida aytib oʻtdi.

Masalan, endi siz asosiy ekrandagi ilova ikonalarini istalgan fotosurat bilan bezatilgan fon rasmi atrofida joylashtirishingiz yoki ikonlarga rangli soyalar qoʻshishingiz mumkin. Buni amalga oshirish uchun asosiy ekranda barmogʻingizni bosib turishingiz kerak boʻladi. Qorongʻi rejimda ikonalar va fon rasmi ham yangi koʻrinishga ega boʻladi.

Endi iPhone'dagi yangi Nazorat Markazi funksiyasi Android Vidjetlariga oʻxshash boʻlib, masalan, qulflangan ekrandagi fonar tugmasini boshqa biror narsa bilan almashtirishingiz mumkin. Buning uchun asosiy ekranda barmogʻingizni bosib turib, kerakli oʻzgarishlarni amalga oshirishingiz mumkin.

Bu oʻzgarishlar bilan iPhone'ni xuddi Android kabi moslashtirish imkoniyatiga ega boʻlasiz.

Bunday yangilanishlardan keyin ko'pgina odamlar ijtimoiy tarmoqda fikrlar bildira boshladi.

Apple asosiy ekranni sozlash imkoniyatlarini e'lon qilayotgan paytda, Android foydalanuvchilari oʻlguday kulgan boʻlsa kerak💀

Boshqa bir foydalanuvchi shunday deb yozdi: 'Bu juda ham Android'ga oʻxshaydi, men buni ham yoqtirishni ham yoqtirmaslikni ham bilmayman. Rahmat, Apple.

Yana bir foydalanuvchi esa iOS 18'ning yangi xususiyatlari Android foydalanuvchilarini iPhone'ga oʻtishga undashi mumkinligini aytdi.

Android foydalanuvchilari uzoq vaqtdan beri ularning qurilmalari yanada innovatsion va ehtiyojlariga moslashtirish osonroq ekanini ta'kidlab kelishmoqda. Ba'zi iPhone foydalanuvchilari esa iPhone 15 chiqqanidan keyin bunga qoʻshilishdi.

Yillar davomida AQSh iste'molchilari orasida Android telefonlari eng mashhur tanlov bo'lib kelgan, ammo 2022 yilda iPhone foydalanuvchilari soni birinchi marta ortib ketdi.