Yangi iPhone 16 seriyasi haqida barcha texnik xususiyatlari e'lon bo‘lishidan oldin internetga chiqib ketdi!

Apple Hub, X (twitter) ijtimoiy tarmog‘ida bir milliondan ortiq kuzatuvchiga ega bo‘lgan sahifasida, iPhone 16 seriyasining barcha smartfonlarining texnik xususiyatlarini e'lon qildi.

Foydalanuvchilar orasida asosiy tushkunlikka sabab bo'lgan narsa shuki, agar ushbu ma'lumotlarga ishonadigan bo‘lsak, iPhone 16 va iPhone 16 Plus modellari hali ham eskirgan 60 Gts yangilanish chastotasiga ega ekranlar bilan jihozlangan bo‘lishi mumkin.

120 Gts yangilanish chastotasiga ega ekranlar faqat iPhone 16 Pro va iPhone 16 Pro Max modellariga mo‘ljallangan bo‘lib, bu modellarning ekranlari o‘lchamlari avvalgilarga qaraganda kattaroq bo‘ladi.

iPhone 16 va iPhone 16 Plus modellarining kameralari 12-megapikselli bo'lib qolmoqda, lekin ular 2 baravar optik zum imkoniyatiga ega. Katta modellar esa, ya'ni iPhone 16 Pro va iPhone 16 Pro Max 48-megapikselli kameralar bilan ta'minlanadi va bu kameralar 5 baravar optik zum qobiliyatiga ega.

Standart modelning batareyasi kichikligi sabab foydalanuvchilar tomonidan tanqid qilinmoqda. Biroq, iPhone 16 Pro Max modeli ushbu ma'lumotlarga ko‘ra, batareyasi uzoq vaqtgacha ishlashi kutilmoqda.