iPhone 16 Pro Max suratlari paydo boʻldi

Xitoylik insayder Ice Universe iPhone 16 seriyasining toʻrt modelining barcha fotosuratlarini e'lon qildi. Manba bu smartfonlar haqiqiymi yoki maketlarmi ekanligini aniqlamagan, lekin ular tashqi koʻrinishi jihatidan bir-biridan farq qilmaydi.

Rasmda koʻrsatilishicha, iPhone 16, iPhone 16 Plus, iPhone 16 Pro va iPhone 16 Pro Max ekranlari mos ravishda 6.1, 6.7, 6.3 va 6.9 dyuymli boʻladi, ya'ni bu safar professional smartfonlar kattaroq boʻladi.

Dizayn haqida gapiradigan boʻlsak, iPhone 16 Pro va iPhone 16 Pro Max'ni orqa tomondan iPhone 15 Pro va iPhone 15 Pro Max'dan ajratib boʻlmaydi. Lekin iPhone 16 va iPhone 16 Plus kamera bloki dizayni oʻzgaradi.

Agar hammasi reja boʻyicha ketadigan boʻlsa, Apple ushbu yangi mahsulotlarni 2024 yil sentyabr oyida taqdim etadi.