iPhone 15 Proning sifatli render rasmlari va texnik xususiyatlari ma’lum bo‘ldi

iPhone 15 yana yangilangan kattaroq tasvir sensorlarini oladi, shuning uchun asosiy kamera bloki kattalashadi.

Ammo tashqi tomondan, linzalarning yanada boʻrtib chiqishi kutilmoqda: iPhone 15 Proda linzalar iPhone 14 Proga qaraganda ikki baravar koʻproq chiqadi.

Renderlar yangi model va hozirgi model oʻrtasidagi barcha muhim farqlarni namoyish etadi. Rasmlar rasmiy ravishda tasdiqlangan Apple smartfon aksessuarlari ishlab chiqaruvchilarining maʼlumotlariga asoslanadi.

Taxminlarga koʻra, iPhone 15 Pro displeyi atrofida atigi 1,55 mm kenglikdagi ultra yupqa ramkalar bilan jihozlangan. Bundan tashqari, smartfon butunlay yangi ranglarda taqdim etiladi, bu “toʻyinilgan qizil” deb ataladi.

Xabar qilinishicha, smartfon korpusi titandan yasaladi. Bunga qoʻshimcha ravishda, ramka chekkalari biroz yumaloq boʻladi, bu esa qurilmadan foydalanishni yanada qulayroq qilishi kerak.

Aytilishicha, Apple anʼanaviy tugmalar va ovozni oʻchirish tugmasidan voz kechib, bosimga javob beradigan va tebranish hissini yaratadigan simulyatsiya qilingan tugmalar joylaydi. Kompaniya ilgari iPhone 7/8/SE (2020) va SE (2022) da “Uy” tugmasi bilan xuddi shunday yondashuvni qoʻllagan edi.

Oldinroq Giglink.uz iPhone 15 rasmlari internetda tarqalgani va  iPhone'ning navbatdagi rusumi mutlaqo yangi rang va dizaynda bo'lishi kutilayotgani haqida ma’lum qilgandi.