Galaxy S25 Ultra va iPhone 16 Pro Max solishtirish: Samsung Apple’ni ortda qoldirdi

Samsung va Apple kompaniyalarining yangi flagmanlari – Galaxy S25 Ultra va iPhone 16 Pro Max smartfonlarining quvvatini solishtirish bo‘yicha test natijalari e’lon qilindi. 

3DMark Steel Nomad Light testida Galaxy S25 Ultra iPhone 16 Pro Max’dan ancha yuqori natijalarni ko‘rsatdi.

Bu test, asosan, grafik qobiliyatni baholash uchun mo‘ljallangan bo‘lib,
- unda Galaxy S25 Ultra Snapdragon 8 Elite protsessori bilan 2617 ball to‘pladi.
- iPhone 16 Pro Max A18 Pro chipi  1922 ballga ega bo‘ldi.

O‘rtacha kadrlar soni (FPS) bo‘yicha ham
- Galaxy S25 Ultra 19.39 FPS
 -iPhone’ning 14.2 FPS’siga nisbatan 36% yuqori natija ko‘rsatdi.

Bu esa Samsung’ning yangi Adreno GPU’sining ustunligini tasdiqladi.

Bundan tashqari, Geekbench 6 testida ham Galaxy S25 Ultra ko‘p yadroli vazifalarda iPhone’dan deyarli 20% yuqori natija ko‘rsatdi.

Biroq, A18 Pro chipi bir yadroli ishlashda hali ham yetakchiligini saqlab qolmoqda.

Test natijalaridagi farq, asosan, Snapdragon 8 Elite’ning yuqori chastotali GPU’si va Galaxy S25 Ultra’ning yaxshilangan sovutish tizimi hissasi bilan izohlanadi.

Bu yangilanishlar Samsung qurilmasiga yuqori quvvat samaradorligini ta’minladi.