iPhoneʼni MacBook Pro zaryadlash moslamasi orqali quvvatlantirish qanchalik xavfsiz?

Texnologiya

15 may, 17:19

iPhone (yoki iPad) tez zaryadlash uchun odatda Apple 20 Vt quvvatga ega zaryadlash moslamalari tavsiya etiladi. Ammo MacBook Pro yoki MacBook Airʼniki kabi qurilmalarning bir necha barobar kuchli boʻlgan zaryadlash moslamasini iPhoneʼga ham ishlatish qanchalik foydali? Bunday kuchli zaryadlash moslamalari yoki Appleʼniki boʻlmagan quvvatlantiruvchilar telefon batareyasini tezda ishdan chiqarib qoʻymaydimi? Quyida bu savolning javobini topamiz.

Tez zaryadlash 30 daqiqada batareyaning 50% gacha zaryadlanishini taʼminlaydi. Yangi USB-C — Lightning kabeli va Appleʼning 20 Vt quvvatga ega zaryadlovchi qurilmasi 40 dollar turadi. Uchinchi tomon variantlari arzonroq, ammo arzon beillat boʻlmas, degan hikmatli soʻz bu yerda oʻrinlimi?

Yaxshi tarafi shundaki, zamonaviy iPhone va iPadʼlar barcha MacBook USB-C zaryadlovchi qurilmalari, hatto 140 Vt quvvatga ega modellar bilan ham ishlaydi.

Bu gʻalati tuyulishi mumkin, biroq kuchliroq Apple USB-C zaryadlash qurilmalaridan foydalanish xavfsiz, chunki iPhone yoki iPad quvvat olinayotgan moslamani emas, balki qabul qilinayotgan quvvatni aniqlaydi. Apple barcha turdagi USB-C quvvat adapterlarini sinovdan oʻtkazadi.

iPhone 4 km balandlikdan tashlab yuborildi va… unga hech narsa qilmadi (video)

Shuni hisobga olish kerakki, batareyaning necha foiz ekanligini uning sarflanish vaqtini ham anglatadi: qancha koʻp boʻlsa, shuncha uzoq vaqtga yetadi. Misol uchun, 10% quvvatdagi batareya 80% batareyaga qaraganda koʻproq quvvat sarflaydi.

MacBook zaryadlash qurilmasi bilan iPhone/iPadʼni tez zaryadlash mumkinmi?

Apple quyidagi iOS qurilmalari 18 Vt, 20 Vt, 29 Vt, 30 Vt, 61 Vt, 87 Vt, 96 Vt va 140 Vt tez zaryadlovchi adapterlari bilan mos kelishini maʼlum qiladi:

iPhone 8/8 Plus va undan yangiroq

iPad Pro 12,9 dyuymli (1-avlod va keyingi)

iPad Pro 11 dyuymli (1-avlod va keyingi)

iPad Pro 10,5 dyuym

iPad Air 3-avlod va undan keyingi versiyalar

iPad mini 5-avlod va undan keyingi versiyalar

Qisqa qilib aytganda, 18-140 Vt gacha boʻlgan zaryadlash moslamalarini mazkur sanalgan smartfon va iPadʼlar uchun ishlatishingiz mutlaqo bezarar.

Shuningdek, siz Anker Powerline seriyali “USB quvvat yetkazib berishni (USB-PD) qoʻllab-quvvatlaydigan Apple boʻlmagan USB-C quvvat adapteridan” ham foydalanishingiz mumkin.

iPhone 13 va 14 Pro Max 27 Vtgacha quvvat olishi mumkinligi sababli, 30 Vt yoki undan yuqori quvvat adapterlaridan foydalanish orqali uni eng tez zaryadlashingiz mumkin.

Avvalroq firibgarlar qanday qilib iPhoneʼningizni qo‘lga kiritishi yo‘llari haqida xabar bergan edik.