Haydovchisiz boshqariladigan mashina va politsiyachi oʻrtasida kulgili toʻqnashuv sodir boʻldi

Avto

08 may, 12:55

TikTokʼda 15,7 million marta koʻrilgan videoda avtopilot rejimida boshqariladigan Waymo avtomobili va uni yoʻlni chetiga olib chiqishga behuda urinayotgan politsiyachi toʻqnashuvi koʻrsatilgan.

Bu paytda mashinada boʻlgan yoʻlovchining esa nima qilishini bilmay, politsiya xodimiga avtomobilni hech kimni boshqarmayotganini tushuntirishga uringani va bir vaqtning oʻzida noodatiy holatdan kulayotganini koʻrish mumkin:

Videoda TikTok foydalanuvchisi @johnnyromano3 “Janob, biz harakatlana olmaymiz”, deganini eshitish mumkin. “Kechirasiz. Bu mashina harakatlanishimizga ruxsat bermaydi. Biz yura olmaymiz.

Maʼlumotlarga koʻra, voqea 16-aprel kuni Arizona shtatining Feniks shahrida boʻlib oʻtgan parad vaqtida sodir boʻlgan.

Parad va politsiyachi bilan toʻqnash kelgan Romano blokni aylanib oʻtishga harakat qilgan. Ammo bu aylanma yoʻl uni parad oldiga oborib qoʻydi va boshqa politsiyachi bilan yuzma-yuz olib keldi.

Politsiya xodimi boshqa mashinaga yoʻl berishni buyurganida, oʻzi boshqariladigan mashina qisqa vaqt toʻxtab qoldi.

Waymo maʼlumotlariga koʻra, mashina yon tomonga burilgan va politsiya xodimi bilan toʻqnashuvdan 90 soniya oʻtib oʻrnatilgan toʻsiqdan muvaffaqiyatli chiqib ketgan.

Ma’lumot uchun avtopilot mashinalari birinchi marta 2018-yilda Feniks markazida taksi xizmati sifatida ishga tushirilgan. Odamlar ilovadan oʻzi boshqariladigan mashinani chaqirish va uni shahar ichidagi manzilga olib borish uchun foydalanishi mumkin.

Avvalroq Giglink.uz yangi BMW M2 buyurtma qilgan mijozga yetib bormasidan oldin halokatga uchragani haqida xabar bergandi.