Dubaydan Hindistongacha 2 000 kilometrlik suv osti poyezdi qurilmoqda
Bu salkam aqlbovar qilmas reja, lekin mamlakat uni amalga oshirishi uchun deyarli tayyorligi aytilmoqda.
![](https://fivm.giglink.uz/source/1/acVBhwsUB9IXORZdIde6_AV5xTrCl9V5.jpeg)
Birlashgan Arab Amirliklari (BAA) Dubayni Hindistonning Mumbay shahri bilan bogʻlaydigan suv osti poyezdi ustida ishlamoqda.
2 000 kilometrlik sayohat Dubay va Mumbayni tariflab boʻlmas ajoyib tarzda bogʻlashi kutilmoqda. Bu temir yoʻldan nafaqat odamlarni, balki yuk va tovarlarni, jumladan, suv va neftni tashish uchun ham foydalaniladi. Albatta, suvni tashish uchun suv osti poyezdini qurish qaysidir maʼnoda kulgili eshitilishi aniq.
Dubaydan Mumbaygacha boʻlgan suv osti poyezdi loyihasi birinchi marta 2018-yilda tilga olingan, ammo oʻsha paytda bu quruq suhbatdan boshqa narsa emas edi.
![](https://fivm.giglink.uz/source/1/Cto96wrKh4HeQhrTqw7Fq234Vgb3_uAE.png)
Birlashgan Arab Amirliklari Milliy konsultativ byurosi hozirda temir yoʻlning haqiqiy loyihasi va kerakli poyezd turi ustida ishlamoqda.
BAA va Hindiston yaxshi va yaqin munosabatlarga ega, ammo Dubayning suv osti poyezdini qurishda boshqa bir sababi ham bor:
Bir necha yillar davomida BAA Yaqin Sharqdagi texnologiya, qurilish va infratuzilmaning yagona markazi edi.
Ammo Saudiya Arabistoni cheksiz naqd pul orqali moliyalashtirayotgan eng zoʻr loyihalari BAAning hukmronligiga soya solayotgani koʻrinib qoldi.
Eng katta va, ehtimol, eng koʻp muhokama qilinadigan loyiha — bu gorizontal ravishda choʻzilgan va choʻlni dengiz bilan bogʻlaydigan metropoliya — LINE deb ataladigan loyiha hisoblanadi.
Bu ulkan va qimmat reja boʻlib, butun loyiha 1 trillion dollarga baholanadi.
Faqatgina LINEʼning asosi 500 milliard dollarga tushishi hisoblab chiqilgan.
Qurilish davom etmoqda va Saudiya Arabistoni LINEʼni oʻn yil ichida ochishni rejalashtirmoqda.
Bu, hech boʻlmaganda, BAA nima uchun suv osti poyezdida ish boshlashni xohlayotganini qisman tushuntirishi mumkin. Chunki Dubay texnologik shahar sifatida birinchiligini berib qoʻyishi kerak emasda.
Suv osti poyezdlari birinchi marta qilinayotgan loyiha emas: Buyuk Britaniyani Fransiya bilan bogʻlaydigan Kanal Tunneli, ehtimol, dunyodagi eng mashhur suv osti temir yoʻl tunnelidir.
Biroq, Dubay-Mumbay yoʻnalishi boshqacha boʻlishi aytilmoqda: bunda oynavand devorlar orqali goʻzal okean manzaralarini tomosha qilib ketish mumkin boʻladi.
Mavzuga oid
Soʻnggi yangiliklar
![](https://fivm.giglink.uz/source/thumbnails/_md/1/TH6n16KbuD-OX-r0W8plYKdef0E1ohEz_md.jpg)
![](https://fivm.giglink.uz/source/thumbnails/_md/1/U0euLr-_XP0sLWTnUHtvf2iSs0POAbED_md.jpg)
![](https://fivm.giglink.uz/source/thumbnails/_md/1/hpKyqWzaUAj5qyqJ9CNNcp7FB5sD8-_6_md.jpg)