Reddit endi qidiruv tizimiga aylanishni istayapti

Redditda millionlab foydalanuvchilardan to‘plangan juda qimmatli ma’lumotlar mavjud — bu ma’lumotlar OpenAI va Google kabi yirik sun’iy intellekt kompaniyalariga sotilgan. Ammo Reddit faqat bu bilan cheklanib qolmayapti, balki o‘zining qidiruv tizimini rivojlantirishga ham sarmoya kiritmoqda.

Investorlar uchun tayyorlangan so‘nggi xatida Stiv Xaffman shunday deydi:

Uning aytishicha, har hafta yuz millionlab odamlar Redditga maslahat izlab kirishadi. Hozirda Redditning ichki qidiruvi orqali faol izlovchilar soni haftasiga 70 million kishidan oshgan. Platformaning AI (sun’iy intellekt) yordamida javob beruvchi yangi servisi — Reddit Answers — 2024-yil dekabrda ishga tushirilgan va hozirda haftasiga 6 million foydalanuvchi foydalanmoqda. Bu ko‘rsatkich yil boshida atigi 1 million edi.

Reddit qidiruv xizmatlarini rivojlantirishni davom ettirmoqda:

Reddit Answers butun dunyo bo‘ylab kengaytirilmoqda,

U asosiy qidiruv tizimiga chuqurroq integratsiya qilinmoqda,

Va qidiruv Redditdagi asosiy funksiyalardan biriga aylanmoqda.

Bu o‘zgarishlar, asosan, Google orqali kelayotgan trafik kamayishi xavfi bilan bog‘liq. So‘nggi yillarda Google AI orqali to‘g‘ridan-to‘g‘ri javoblar berishni boshlagan va bu havolalarga bosishlar soniga ta’sir qilmoqda. Ayni vaqtda ko‘pchilik Google’da nimanidir qidirayotganda unga “Reddit” so‘zini qo‘shib yozadi — bu usul orqali haqiqiy odamlar fikrini topish mumkin.

Agar Google orqali keladigan foydalanuvchilar soni pasaysa, Reddit mustaqil tarzda kuchli qidiruv tizimiga ega bo‘lishi kerak bo‘ladi.

Joriy yilda Reddit 20 yoshga to‘ldi va sun’iy intellektga katta e’tibor qaratmoqda. Platformaning texnik direktori Kris Slou intervyusida aytishicha, Reddit Answers xizmatining dastlabki bosqichi juda yaxshi o‘tayapti.

Stiv Xaffman esa quyidagicha yakunlaydi: