Counter-Strike 2 rasman taqdim qilindi: ko‘proq reallik, grafika va azartdan bahramand bo‘ling

Soʻnggi 11 yildagi eng katta yangilanishida oʻyin yangi grafika, Source 2 dvijogi, yaxshilangan oʻq otish mexanikasi va boshqa oʻzgarishlarga ega boʻldi. Maqolada yangilangan o‘yinni birinchilardan bo‘lib o‘ynab ko‘rishingiz uchun havola berdik.

Fevral oyida Valve Counter-Strike 2ʼni eʼlon qilishi bilan oʻyin ixlosmandlari orziqib kutayotgan Ikkinchi qismi nihoyat rasman taqdim etildi. 

Oʻzgarishlar:

• Yaxshilangan grafikalar;

• Qayta ishlangan yorugʻlik, granatalar tovushi va effektlar;

• Yangilangan xaritalar;

• Source 2 dvigateli;

• Nol tikreyt (maʼlumotlarning uzilishsiz yetkazib berilishi).

Vizual

Grafika yanada dinamik va “silliq” koʻrinish oldi. Baʼzilar uchun yangi grafikaga avval boshida koʻnikish qiyin boʻlishi mumkin, biroq bu vaqtinchalik. Oʻyin grafikasidagi yorugʻliklar ustida ishlangani tufayli xaritalar yanada realroq koʻrinadi. Shuningdek, xaritalar ham oʻzgartirilgan boʻlib, bir nechta lokatsiyalar qaytadan chizilgani aytilmoqda (hozircha aynan qaysi lokatsiyalar ekanligini aniq aytilmagan).

Tutunli granatalarni endi umuman tanish qiyin: tutun yorugʻlik, tortishish va portlash jarayonida reaksiyaga kirishadigan zarralar shaklida taqdim etiladi. Tutun ochiq eshiklar va singan derazalar orqali tarqaladi, zinadan yuqoriga va pastga tushadi, koridorlar boʻylab tarqaladi va boshqa granatalar tutuniga aralashadi. Bir soʻz bilan aytganda, qurollardan chiqadigan otish, tutun va boshqa effektlar yanada realistik koʻrinish oladi.

Granata tutunlarining yangilangan koʻrinishi:

Boshqa effektlar ham yanada realistik tus olgan. Misol uchun, oʻq tekkanida otilgan joyiga qarab qon dogʻlari paydo boʻladi. Vaqt oʻtishi bilan qon quriydi. Ovozlar akustikasi yanada dinamikroq boʻlib, oʻyin oʻynovchining xaritadagi joylashuviga qarab oʻzgaradi. Bu orqali oʻyin oʻynayotgan foydalanuvchi raqibining taxminiy joylashuvini aniqlashi osonroq boʻladi.

Mexanika

Ishlab chiquvchilar interfeys dizaynini oʻzgartirdilar. Bundan tashqari, qurollarda ham oʻzgarishlar qilingan boʻlib, baʼzilari yaxshilangan, baʼzilarining ishlashi esa sustlashtirilgan.

Kibersportchilarning yangilangan oʻyindan ayniqsa “maza qiladigan” joyi: harakatlar tezligi. Endi oʻyinda harakatlar yanada tezroq boʻlib, server yangilanishini kutish shart emas. Oddiy qilib aytganda, harakat, otishma va urishish sahnalari endi serverning yangilanish tezligiga bogʻliq emas.

Muhim jihati: Counter-Strike 2ʼni alohida sotib olish shart emas. Oʻyin CS:GOʼning davomi boʻladi, yaʼni barcha teri va boshqa asboblar saqlanib qoladi (yangi grafikalar tufayli terilar yanada chiroyli koʻrinish oladi).

Qachondan o‘ynash mumkin boʻladi?

Oʻyin 2023-yilning yozida foydalanish uchun taqdim etiladi. 22-mart kuni kibersportchilar uchun yopiq beta-test boshlangan. Siz ham quyidagi havola orqali yangilangan oʻyinni oʻynab koʻrishingiz mumkin: https://counter-strike.net/cs2

Mavzuga oid

Soʻnggi yangiliklar

TikTok Shop: yana bir ijtimoiy tarmoq doʻkoni qanchalik xavfsiz?
Tarmoq foydalanuvchilari For You boʻlimida TikTok doʻkonidan xarid qilish mumkin boʻlgan mahsulotlar reklamalari tez-tez ko‘rinayotganini payqashdi.
Ijtimoiy tarmoqlar
23 fevral, 09:52
Apple Vision Pro haqida barcha muhim va qiziq ma’lumotlar
Taqdimotidan 1 yil oʻtib — 2024-yilning 2-fevral kuni Vision Pro sotuvga chiqarildi va ayni paytda dunyo boʻylab muhokama mavzusiga aylandi.
Texnologiya
14 fevral, 16:15
Asus ROG Strix Scar 18: o’yin ishqibozlari uchun “monstr-kompyuter”
18 dyuymli, ulkan va noqulay oʻyin kompyuteri bilan sizni nimalar kutayotganini tasavvur qilish qiyin. Ammo…
Geyming
09 fevral, 17:54
2024-yilda eng yaxshi byudjetli smartfonlar xususiyatlari
Quyida narxi oʻrtacha 150-300$ atrofidagi smartfonlarni sotib olayotganda qanday xususiyatlarga eʼtibor berish kerakligi haqida qisqacha qoʻllanmani toʻpladik.
Smartfon
05 fevral, 16:20