Statistika: Android foydalanuvchilari borgan sari iPhoneʼga oʻtib ketmoqda

Soʻnggi yillarda kuzatuvchilar iPhone oʻzining eng yuqori choʻqqisiga chiqayotganini taʼkidlab kelishmoqda. Yaqinda Apple kompaniyasining ikkinchi chorakdagi hisobotida iPhone 51,3 milliard dollardan ortiq daromad keltirganini koʻrsatdi. Bu hayratlanarli koʻrsatkich Apple kompaniyasining mart oyidagi iPhoneʼdan olgan eng yuqori daromadini anglatadi.

Appleʼning iPhone daromadini rekord darajada ushlab turish qobiliyati bir qancha omillar, jumladan, Androidʼdan oʻtib kelayotgan foydalanuvchilar oqimi bilan bogʻliq.

Shunisi eʼtiborga loyiqki, Android foydalanuvchilarining iPhoneʼga oʻtish foizi 2018-yildan beri 15 foizdan oshmagan. Qizigʻi shundaki, 2016-yilda yangi iPhone xaridlarining 21 foizi Android foydalanuvchilariga toʻgʻri kelgandi.

Soʻnggi yillarda iPhoneʼning oʻrtacha sotuv narxi doimiy ravishda oshib bormoqda. Bu, asosan, Apple kompaniyasining iPhone Pro modellariga boʻlgan talabning ortishi bilan bogʻliq. Chunki Apple oʻzining ilgʻor funksiyalari va texnologiyasini faqat iPhone Pro liniyasi uchun joriy qilib kelmoqda.

Ajablanarlisi shundaki, Apple kompaniyasining iPhone Pro modellari uchun qiziqarli xususiyatlarini qoʻllash anʼanasi hali uzoq davom etadi. Yaqinlashib kelayotgan iPhone 15 Pro periskop kamerasiga ega birinchi iPhone boʻlishi mumkin. Bu xususiyat optik zoom qobiliyatini sezilarli darajada yaxshilaydi.

iPhone 15 yana qanday xususiyatlarga ega boʻlishi haqida Giglink.uz xabarlarida kuzatib borishingiz mumkin.

Avvalroq nega odamlar bir marta iPhone ishlatib Androidga qaytishni istamasligi sabablari ma’lum qilingandi.