Ilon Mask: “Tesla Xitoyga sodiq va bu davlatdan ketmaydi”

Biznes

31 may, 17:34

Mask Xitoy va AQSh munosabatlari 1972-yildan buyon eng yomon ko‘rsatkichga kelgan bir davrda bu mamlakatga tashrif buyurdi.

Xabar qilinishicha, Mask Xitoy tashqi ishlar vaziri Sin Gang bilan uchrashuvda Tesla Xitoydan ketishiga qarshi ekanini aytgan.

“Xitoy va AQSh manfaatlari bir-biriga bogʻlangan, Tesla Xitoydan ajralib chiqmaydi hamda mamlakatda kengayishda davom etishga tayyor”.

Tesla bosh direktori Ilon Mask 30-may kuni Xitoyning Pekin shahriga so‘nggi uch yil ichida birinchi marta tashrif buyurdi. Milliarder Xitoy poytaxtida mamlakat tashqi ishlar vaziri Sin Gang, boshqa yuqori martabali amaldorlar va CATL asoschisi Zeng Yuqun bilan uchrashdi.

Xitoy tashqi ishlar vaziri Sin Gang Ilon Mask bilan uchrashuv chogʻida Xitoy barcha mamlakatlar, jumladan Tesla kompaniyalari uchun koʻproq bozorga yoʻnaltirilgan biznes muhitini yaratishini aytdi:

“Xitoy yuqori darajadagi ochiqlikni izchil targʻib qilishda davom etadi va yanada yaxshi xalqaro biznes muhitini yaratishga intiladi”.

Mask Xitoyning yuqori martabali amaldorlari va biznes rahbarlari bilan uchrashuvlardan tashqari, Tesla kompaniyasining Shanxaydagi zavodiga tashrif buyurishni rejalashtirmoqda, deb xabar berdi Bloomberg.

“Xitoy janob Mask va boshqa biznes rahbarlarini Xitoyni yaxshiroq tushunish va oʻzaro manfaatli hamkorlikni rivojlantirish bilan qutlaydi”, dedi Tashqi ishlar vazirligi matbuot kotibi Mao Ning.

Tesla bosh direktorining Xitoyga tashrifi Shanxayda yangilangan Model 3 ni sinovdan oʻtkazishning yakuniy bosqichiga toʻgʻri keldi.

Teslaning Shanxaydagi Gigafactory 2022-yilda kompaniyaning global ishlab chiqarishining yarmidan koʻpini tashkil qilgan va hozirda yiliga 1,1 milliontagacha avtomobil ishlab chiqarishi mumkin. Oʻtgan yili Amerika elektromobil ishlab chiqaruvchisi Shanxaydagi jami avtomobil ishlab chiqarishning deyarli toʻrtdan bir qismini tashkil etdi.

Maskning Xitoyga tashrifi Xitoy va Qoʻshma Shtatlar oʻrtasidagi munosabatlar 1972-yil — sobiq prezident Richard Niksonning Pekinga tashrifi ikki davlat oʻrtasidagi diplomatik munosabatlarni tiklashga yordam bergandan buyon eng past darajaga tushgan paytga toʻgʻri keldi.