Apple WWDC 2023: taqdimotni tomosha qilish uchun platformalar va kutilayotgan yangiliklar

Taqdimotda kutilayotgan yangiliklar boʻyicha oldinroq batafsil xabar bergan boʻlsak-da, quyida yana bir marta ularni eslab oʻtamiz:

Bu yilgi taqdimotda eng kutilgan qurilma — bu, shubhasiz, xrOS platformasi asosidagi aralash haqiqat eshitish vositasi boʻlishi vaʼda qilinmoqda. Mish-mishlarga koʻra, qurilma changʻi koʻzoynaklarini eslatuvchi korpusda ishlab chiqariladi va kengaytirilgan hamda virtual reallikni (AR/VR) qoʻllab-quvvatlaydi.

Insayder maʼlumotlariga koʻra, Apple garniturasi har 2-3 soatda oʻzgartirilishi kerak boʻlgan tashqi batareyada ishlaydi va narxi 3 ming dollarni tashkil qiladi.

Avvalroq Giglink.uz Apple kompaniyasi xrProOS tovar belgisini ro‘yxatdan o‘tkazgani, shunga asosan juda yengil va noqulay boʻlishi taxmin qilinayotgan garnitura nomi xrProOS Pro deb nomlanishi mumkinligi haqida xabar bergandi.

Bu yilgi konferensiya ham doimgidek onlayn tarzda oʻtkaziladi, biroq Apple ochilish kuni Kaliforniyaning Kupertino shahridagi Apple Park kampusida yopiq oflayn taqdimotni ham oʻtkazadi. Tadbir 5-iyun kuni soat 22:00 da start oladigan onlayn taqdimot bilan boshlanadi.

Agar siz taqdimotni ingliz emas rus tilida tomosha qilishni istasangiz, buning uchun yaqinda shunday funksiyaga ega boʻlgan Yandex brauzeri sinxron tarjima funksiyasidan YouTube sahifani brauzerda ochgan holda foydalanishingiz mumkin.