Apple kompaniyasining ehtiyot qismlarini oʻgʻirlagan xodimi 3 yilga qamaldi

Apple kompaniyasining sobiq xodimi Didrend Prasad kompaniyaga qarshi firibgarlikda aybdor deb topildi

Macrumors nashrining xabar berishicha, xodim 2008 va 2018-yillar oraligʻida Appleʼning global xizmatlar taʼminoti zanjiri boʻlimida ishlagan, uning vazifasi sotuvchilardan eski qurilmalarga xizmat koʻrsatish uchun ehtiyot qismlar va xizmatlarni sotib olish edi.

2011-yilda Prasad ishlatilgan ehtiyot qismlarni qabul qila boshlagan, hisob-fakturalarni koʻpaytirgan va texnik qismlarni o‘margan, bu esa Appleʼni olmagan qismlar hamda xizmatlar uchun toʻlashiga olib kelgan. 

Prasad bilan ikkita sotuvchi ishlagan. Ular kompaniyani komponentlar uchun ikki marta toʻlashiga sabab boʻlib oʻmarilgan texnik qismlarni sheriklari orqali qayta sotishdi. Natijada firibgarlar Appleʼni umumiy 17 million dollarga tunab ketishgan.

3 yillik qamoqdan soʻng Prasad doimiy politsiya nazorati ostida boʻladi.

Avvalroq Giglink.uz Tesla haydovchisiz boshqariladigan Model S avtohalokatida aybsiz deb topilgani haqida xabar bergandi.