Lucid Air Touring — ultra-premium tarifdagi zamonaviy elektromobil tavsifi

Lucid Tesla elektromobillaridan oʻrnak olgan holda sedan ichidagi deyarli barcha tugmalarni olib tashlab iqlimdan tortib avtomobil sozlamalarigacha boʻlgan barcha funksiyalar uchun bir juft katta sensorli ekran oʻrnatgan.

Odatiy tugmalarning oʻrniga sensorli ekranning joylanganligi ham avtomobil bahosini oshirib koʻrsatadi, deyish mumkin.

Butun salondagi yagona tugmalar rulda joylashgan boʻlib, ilgʻor adaptiv kruiz nazorati va masofani kuzatish, shuningdek, bir nechta axborot-koʻngilochar funksiyalarni boshqaradi.

Lucid Air Touring pol ostida 92 kVt/soat quvvatga ega akkumulyator mavjud. Bu qimmatroq, uzoq masofaga ega boshqa bir elektrokar — Grand Touring oʻrtasidagi asosiy farq boʻlib, u uzoqroq masofa uchun kattaroq 112 kVt-soat koʻrsatkichli akkumulyator batareyasiga ega.

Lucid polidan bir nechta akkumulyator toʻplamini olib tashlagani sababli, orqa oʻrindiq uzunasiga ham kengroq tuyuladi.

Air 0,197 aerodinamik qarshilik koeffitsientiga ega, bu 0,200 va 0,208 qarshilik koeffitsientiga ega boʻlgan Mercedes EQE sedani va Tesla Model S dan pastroq koʻrsatkich demakdir.

Elektromobil navigatsiya va haroratni nazorat qilish kabi funksiyalarni boshqarish uchun Amazon Alexa ovozli yordamchisidan foydalanadi. Ammo, maʼlum boʻlishicha, mazkur ovozli yordamchi bir nechta noqulayliklarga ega va takomillashtirishga muhtoj. Shu sababli biz uni kamchiliklar qatoriga kiritdik.

Biroq, yoʻlda Lucid Air ustunlik qiladi. Sedan ichi sokin va oʻzining kattaligiga qaramay, mashinani aylanma, bir qatorli yoʻllarda boshqarish hayratlanarli darajada oson. Qolaversa, derazalarni pastga tushirganingizda ham tashqaridagi shovqin ichkariga deyarli sezilmaydi.

Air Touring uchta standart rejimga ega: Smooth (eko/konfor), Swift (sport) yoki Sprint (sport+, bu yerda siz ishga tushirishni boshqarish funksiyasiga kirishingiz mumkin).

Avvalroq Oʻzbekistonda ishlab chiqarilgan ilk elektromobil sotuvga chiqarilgani va uning narxi 277 million so‘m bo‘lishi haqida xabar berilgan edi.