Yomgʻir va qorda elektr-samokatda yurish qanchalik xavfsiz?
Yogʻingarchilikda elektr-samokatlar va skuterlarda yurish ham texnika, ham inson uchun xavfli boʻlishi mumkin.Bu elektr skuterning modeliga va yomgʻirning kuchiga bogʻliq. Biz sizni mazkur texnikalardan voz kechishga chaqirmaymiz, shunchaki baʼzi bir qoidalarga rioya qilsangiz, yomon ob-havo sharoitida ham ularni minishingiz mumkin.
![](https://fivm.giglink.uz/source/1/_smC7izqH0XLjd1Z22UxjaMvWo0h6zpO.png)
Yomgʻirda elektr skuter minish qanchalik xavfli?
Bu elektr skuterning modeliga va yomgʻirning kuchiga bogʻliq. Siz eʼtibor berishingiz kerak boʻlgan birinchi narsa — bu IP reytingi. Ushbu xalqaro standart elektr qurilmaning chang va namlikdan qanchalik himoyalanganligini koʻrsatadi.
Reyting ikkita raqamdan iborat. Birinchisi, chang va loyga chidamliligini aks ettiradi. Elektrosamokatlarda bu parametr kamdan-kam hollarda oʻlchanadi, shuning uchun koʻplab modellarning texnik xususiyatlarida raqam oʻrniga X harfi ishlatiladi.
Ikkinchi raqam — namdan himoyalanganlik darajasi. Elektr skuterlari koʻpincha 4 (barcha yoʻnalishlardan sachraydigan suvdan himoyalangan) yoki 5 (barcha tomondan keluvchi past bosimli suv oqimlaridan himoyalangan) deb baholanadi.
Skuterning reytingi koʻrsatilmagan yoki 3 dan oshmasa, siz hatto yengil yomgʻirda ham qurilmani minishdan qoching. Agar reyting 4 yoki undan yuqori boʻlsa, siz yengil yomgʻir paytida minishingiz mumkin. Har qanday sharoitda ham kuchli yomgʻir/doʻl/qattiq shamolda skuterda yurish tavsiya etilmaydi.
![](https://fivm.giglink.uz/source/1/9_i0P_xP5ZU0yokKQNGCZM3c1zQkd3uw.jpeg)
Yomon ob-havoda sayohat qilishda eʼtiborga olish kerak boʻlgan baʼzi qoidalari:
- Yomgʻirda koʻrish pasayishi sababli, skuter yorqin faralarga ega boʻlishi kerak;
- Tormoz blokirovkaga qarshi tizim bilan jihozlangan boʻlishi kerak;
![](https://fivm.giglink.uz/source/1/zbIkvU_sg_utry2_Td5SrXarOio39Myr.jpeg)
- Boshqarib ketayotganda yiqilib ketmaslik uchun tirgagi boʻlishi kerak;
- Koʻlmaklardan oʻtish tavsiya etilmaydi: birorta ham elektr scooter suvga butunlay shoʻngʻish uchun moʻljallanmagan.
Noldan past haroratlarda elektr skuterda yurish mumkinmi?
Bu harorat qanchalik sovuq boʻlishiga bogʻliq. Fakt shundaki, elektr skuter batareyasi sovuqda tezroq zaryadsizlanadi. Harorat qancha past boʻlsa, qurilma bir martalik zaryadlanishda bosib oʻtishi mumkin boʻlgan maksimal masofa shunchalik kamayadi. Tashqarida juda sovuq boʻlsa, tizim bardosh bera olmasligi va batareya ishlamasligi mumkin.
Avvalroq Xiaomi 70 km masofa va 25 km/s tezlikka ega yangi Electric Scooter 4 Ultra chiqargani haqida xabar berilgandi.
Mavzuga oid
Soʻnggi yangiliklar
![](https://fivm.giglink.uz/source/thumbnails/_md/1/TH6n16KbuD-OX-r0W8plYKdef0E1ohEz_md.jpg)
![](https://fivm.giglink.uz/source/thumbnails/_md/1/U0euLr-_XP0sLWTnUHtvf2iSs0POAbED_md.jpg)
![](https://fivm.giglink.uz/source/thumbnails/_md/1/hpKyqWzaUAj5qyqJ9CNNcp7FB5sD8-_6_md.jpg)