Yangi Playstation choʻntak qurilmasining rasmiy nomi va narxi aniq boʻldi
“PlayStation Portal” deb nomlangan yangi PlayStation cho‘ntak qurilmasi kutilganidan ham arzonroq boʻlishi mumkin.
![](https://fivm.giglink.uz/source/1/4Zg8AjYlYsmqroSBVzVDlxbpftNbdPw6.jpeg)
Sony nihoyat PlayStation Portal deb nomlangan yangi portativ PlayStationʼni ishga tushiradi.
U PlayStation 5 bajaradigan hamma funksiyaga ega, ammo hajmi kichikroq va olib yurish uchun qulay.
PS5 oʻyinlarini Wi-Fi orqali uzatish uchun moʻljallangan portativ qurilma sakkiz dyuymli 1080p LCD displeyga ega.
Sony Interactive Entertainment vitse-prezidenti Hideaki Nishinoning aytishicha, PlayStation portativi toʻgʻridan-toʻgʻri PS5ʼga ulanishi mumkin.
“PlayStation Portal Wi-Fi orqali PS5ʼga masofadan ulanadi, shuning uchun siz PS5ʼda oʻynashdan PlayStation Portalʼga tezda oʻtishingiz mumkin”, dedi Nishino.
PlayStation Portal markazda ekranga ega va koʻpchilik qoʻl konsollari kabi ekran atrofida boshqaruvchi knopkalari mavjud.
Biroq, koʻpgina portativ qurilmalarda kontroller ekranga toʻliq integratsiyalangan, Sony esa bu borada boshqacha yechim qilgan. Ammo bir qarashda uning tuzilishi biroz gʻalati koʻrinsa ham, Sony bu ishlatishni osonlashtiradi, deb aytmoqda.
Hozircha qurilma qachondan sotuvga chiqishi aniqmas.
Biroq, biz bilgan narsa shundaki, u 199 dollarga baholanadi va uning asosiy raqobatchisi Nintendo Switch Lite qurilmasi boʻlmoqda.
Sony PlayStation Portable haqida koʻpchilik uning dizayni va HD ekranini yuqori baholagan boʻlsa-da, boshqalar qurilma ishlashi uchun PS5 (499 dollar turadi) va Wi-Fi talab qilinishi ideal yechim emasligini taʼkidlamoqda.
Bluetooth bilan mos kelmasligi ham baʼzi tanqidlarga sabab boʻldi.
Mavzuga oid
Soʻnggi yangiliklar
![](https://fivm.giglink.uz/source/thumbnails/_md/1/TH6n16KbuD-OX-r0W8plYKdef0E1ohEz_md.jpg)
![](https://fivm.giglink.uz/source/thumbnails/_md/1/U0euLr-_XP0sLWTnUHtvf2iSs0POAbED_md.jpg)
![](https://fivm.giglink.uz/source/thumbnails/_md/1/hpKyqWzaUAj5qyqJ9CNNcp7FB5sD8-_6_md.jpg)