Xuddi haqiqiyga oʻxshaydi: Midjourney V6 yangi versiyasi taqdim etildi

Texnologiya

22 dekabr, 10:30

Neyron tarmogʻining yangi versiyasi haqiqatan ham ajoyib. Endilikda generatsiya qilingan tasvirlarni haqiqiy fotosuratlardan ajratish juda ham qiyin.

Ajinlar, chiziqlar, qizil koʻzlar, terining tuzilishi — shu paytgacha inson tasvirini aks ettirishda pand berib kelgan xatoliklar Midjourney yangilangan versiyasida toʻgʻrilangan.

Midjourney V6 oldingi versiyadan bir qator xususiyatlari bilan farq qiladi:

• Tasvirning yuqori aniqligi: Midjourney v6 maksimal ruxsati 2048×2048 piksel boʻlib, bu oldingi versiyadan deyarli ikki baravar yuqori.

• Tabiiy tilni qayta ishlash yaxshilandi: Midjourney 6 matnli soʻrov hamda buyruqlarni yanada yaxshiroq tushunib, tavsiflaringiz asosida aniqroq va real tasvirlarni yaratish imkonini beradi.

• Variantlarning koʻproq mos kelishi: Midjourney V6 tasvirlarni soʻrovga yanada moslashtirishga imkon berishi kerak edi, masalan, yaratilgan tasvirlarning rangi, uslubi yoki burchaklarini oʻzgartirish kabi.

• “Reallashgan” qoʻllar: Qoʻllar — sunʼiy intellektning eng nozik joyi edi. Shu kungacha ijtimoiy tarmoqlarda ham AI tasvirlaridagi inson qoʻllari koʻrinishi ozmuncha muhokamaga sabab boʻlmagandi. Endilikda qoʻllar tasviri haqiqiy koʻrinish olishi vaʼda qilinmoqda.

• 3D modellar: Midjourney 6da endi 3D modellarni yaratishi mumkin, bu esa ijodkorlar uchun butunlay yangi imkoniyatlarni ochadi.

Midjourney 6 ham oldingi versiyalarga qaraganda tezroq va ishonchli. Bunda soʻrov natijasi generatsiya boʻlishiga oldingidanda kamroq vaqt sarflanishi mumkinligini anglatadi.