Xiaomi simsiz aqlli elektrotozalagichni taqdim etdi
14 mart, 07:50Xiaomi'dan yangi tozalash gadjeti — vertikal elektroshvabra. Unda oʻzini-oʻzi tozalash tizimi va ifloslanish darajasini baholash uchun sensor oʻrnatilgan.
Aylanadigan choʻtka uchun oʻzini-oʻzi tozalash tizimi mavjud. Shvabrani zaryadlash stantsiyasiga ulaganingizda u avtomatik ravishda ishga tushadi. Ikki daqiqada choʻtka inson aralashuvisiz tozalanadi va quritiladi. Gadjet uchta rejimda ishlaydi: quruq tozalash, nam tozalash va quritish.
4000 mA/soat quvvatga ega batareya yordamida gadjet bir zaryadda 40 daqiqa ishlaydi — ishlab chiqaruvchining soʻzlariga koʻra, bu butun uyni tozalash uchun yetarli. Toza suv uchun moʻljallangan idishning hajmi 780 ml, ishlatilgan suv uchun — 550 ml.
Mijia Wireless Floor Sweeping Machine 2 Lite 1999 yuanga (kurs boʻyicha 3 333 272 soʻm) baholandi. 15-mart kuni qurilma Xiaomi Youpin kraudfandingida 1749 yuan (kurs boʻyicha 2 916 405 soʻm) arzonlashtirilgan narxda sotiladi, aksiya 22-martda tugaydi. Ayni vaqtda yangi gadjetni ochiq sotuvga chiqishi kutilmoqda.
Mavzuga oid
Soʻnggi yangiliklar
15 oktabr, 21:11
13 oktabr, 11:45
13 oktabr, 09:47
06 oktabr, 13:18
