Windowsda Copilot orqali Android-smartfonlarni boshqarish imkoniyati paydo boʻldi

Microsoft oʻzining AI yordamchisi Copilot uchun yangi yangilanish chiqardi. Bu yangilanish orqali endi Android bazasidagi smartfonlarni boshqarish mumkin boʻladi. Veb-versiya orqali telefon raqamlarini qidirish, kontaktlarni koʻrish, SMS-xabarlarni yuborish va qabul qilish, shuningdek, mobil qurilmaga budilnik qoʻyish kabi funksiyalar mavjud.

Smartfonni boshqarish uchun u Windows 11 operatsion tizimiga Phone Link ilovasi yoki Link Devices funksiyasi orqali ulangan boʻlishi kerak. Xizmatdan telefon xabarlarining mazmunini umumlashtirishni yoki ularni boshqa tilda tarjima qilishni soʻrashingiz mumkin. Shuningdek, kontaktlarni tahrirlash va budilniklarga turli nomlar berish imkoniyati mavjud.

Yangi funksiyadan foydalanish uchun Copilot-dagi plaginlar boʻlimini tanlab, Phone Link funksiyasini yoqish kerak. Shuningdek, xizmatga SMS-xabarlarni koʻrsatish, yozish va yuborish, kontaktlar haqidagi maʻlumotlarni olish kabi bir qator ruxsatlar berilishi lozim.

Hozircha ushbu yangilanishni faqat ayrim foydalanuvchilar sinab koʻrishi mumkin. Yaqin vaqt ichida yangilanish keng ommaga taqdim etilishi kutilmoqda.