Wikipedia rahbari ChatGPT’ga ish taklifi bilan chiqmoqchi

Texnologiya

10 aprel, 10:46

Wikipedia asoschisi Jimmi Uels OpenAI’ning GPT tili modelini oʻzining ensiklopediya jamoasidagi yangi bir xodim sifatida koʻrayotganini aytdi.

Sunʼiy intellekt katta ehtimol bilan Wikipediaʼdagi xatoliklarni izlash va hali chiqarilmagan foydali maqolalarni yozish uchun kerak boʻlmoqda, ma’lum qilgan u London Evening Standard nashriga bergan intervyusida.

Uelsning taʼkidlashicha, ChatGPT kabi til modellari (LLM) xato va fantaziyalarga beriluvchan, ammo dastlabki hisob-kitoblarga koʻra, bu texnologiyalarga bir yilda 1250 dollar sarflab Wikipediyaʼdagi jami maqolalar sonini uch baravarga oshirsa bo‘lar ekan.

Shuningdek, AI Internetdagi maʼlumotlardan foydalangan holda hali tugallanmagan sahifalarni oxiriga yetkazib qoʻyishi yoki bir-biriga zid boʻlgan qismlarni qidirishi mumkin.

Jimmi Ueysning aytishicha, Wikipediaʼning butun mohiyati eng ishonchli va aniq maʼlumotlarni taqdim etishdan iborat. Sunʼiy intellekt loyihalarida esa aynan mana shu narsa eng nozik taraf boʻlib kelmoqda ekan. Lekin vaqt o‘tgan sari GPT asosidagi loyihalarning juda tez suratlarda rivojlanib borishi bilan tez orada bu muammodan ham xalos bo‘lishiga umid qilish mumkin.

Avvalroq Giglink.uz internet foydalanuvchisi ChatGPT’ni osonlikcha “chuv tushirgani” haqida xabar bergan edi.