Toshkentda Huawei Experience Store ochildi
07 may, 15:14Xitoyning Huawei telekommunikatsiya kompaniyasi 6-may, dushanba kuni rasmiy Huawei Experience Store do‘konini ochdi.
Savdo shoxobchasi kompaniyaning Toshkentdagi ofisida Afrosiyob ko‘chasi 28/14-uyda joylashgan. Do‘kon yangilangan ko‘rgazma zalining bir qismi bo‘lib, unda kompaniya mahsulotlari – elektronika, smartfonlar taqdim etiladi.
Ochilish marosimida Huawei Uzbekistan bosh direktori Chen Jiakay yangi do‘kon raqamli O‘zbekiston Respublikasini barpo etish yo‘lidagi yana bir qadam bo‘lishini aytdi.
Huawei kompaniyasi 1987 yilning kuzida tashkil etilgan. Kompaniya maishiy elektronika - smartfonlar, naushniklar, telekommunikatsiya sanoati uchun uskunalar ishlab chiqaradi. 2023 yil oxirida kompaniyaning sof foydasi 12,3 milliard dollarga yetdi, operatsion foyda 14,7 milliard dollardan oshdi.
Ta’kidlash joizki, kompaniya O‘zbekistonda 25 yildan buyon faoliyat yuritib kelmoqda.
Mavzuga oid
Soʻnggi yangiliklar
18 noyabr, 23:55
13 noyabr, 10:23
09 noyabr, 10:22
09 noyabr, 10:04
