Tesla Bot odamsimon robotlari yurishni, harakatlarni takrorlashni va narsalarni joylashtirishni oʻrgandi
17 may, 13:39Tesla robotlari sekin boʻlsa-da, harakat qilishi, obyektlarni eslab qolishi va narsalarni terib olishi mumkin.
Yangi videoni Ilon Mask aksiyadorlar yigʻilishida taqdim etar ekan, milliarder uni tadbirdan bir kun oldin tayyorlanganini aytdi. Yaʼni bu robotning ayni kundagi holatini koʻrsatadi.
Tesla Bot odamsimon robot dastlab oʻtgan yili kompaniyaning AI kuni tadbirida taqdim etilgan edi. Oʻsha paytda Tesla faqatgina sahnada tomoshabinlarga qoʻl silkitishi mumkin boʻlgan prototipni koʻrsatgan edi. Shuningdek, joriy yilning 1-mart kuni boʻlib oʻtgan investorlar kunida Tesla odamsimon robot — Optimus boshqa bir Optimus robotni hech qanday inson ishtirokisiz tergan edi.
Videoda robotning atrof-muhitni qanday aniqlashi va eslab qolishi, inson harakatlarini oʻrganishi va taqlid qilishi hamda turli xil ishlarni bajarishi koʻrsatilgan. Misol uchun, robot narsalarni bir idishdan boshqasiga oʻtkazishni oʻrganganligi namoyish qilindi.
Taxminlarga koʻra, Tesla Cybertruck pikaplarini yetkazib berishni boshlaganidan keyin bir muncha vaqt oʻtgach, Tesla Bot ishlab chiqarishni boshlaydi.
Ma’lumot uchun, Ilon Mask Tesla Cybertruck yetkazib berilishi 2023-yil birinchi chorak yakunida boshlanishini ma’lum qilgandi.
Mavzuga oid
Soʻnggi yangiliklar
21 iyun, 12:35
20 iyun, 14:07
13 iyun, 16:42
11 iyun, 10:25
