Sunʼiy intellekt insoniyat uchun yangi xavfmi?

Texnologiya

03 avgust, 18:13

Agar Byuro bergan maʼlumotlar toʻgʻri boʻlib chiqadigan boʻlsa, bizni kelajakda xakerlar va ularning chatbotlar bilan ishlaydigan zararli dasturlarga qarshi kurash davri kutishi mumkin.

Amerika Federal Qidiruv Byurosi (FQB)ChatGPT kabi sunʼiy intellektlarning salbiy oqibatlarini aniqladi. Xakerlar ulardan zararli kodlarni yaratishda foydalanmoqda, bu esa kiberjinoyat xavfini yanada ortishiga sabab boʻladi. Byuro sunʼiy intellektlarda mayda firibgarliklardan tortib, terroristik kimyoviy qurollargacha boʻlgan manbalar saqlanishi haqida maʼlumot berdi. Unga koʻra, sunʼiy intellektni turli modellari kun sayin ortib borsa, bu yanada yangi muammolarga olib keladi.

Firibgarlar doimiy jinoiy faoliyatlarini ular orqali amalga oshirmoqda. Hozirda sunʼiy intellektning ovoz generatorlari bilan foydalanib yosh va qari insonlarni chuv tushirish holatlari kuzatilmoqda. Federal Qidiruv Byurosining ushbu masala boʻyicha pozitsiyasi baʼzi kibermutaxassislardan mutlaqo farq qiladi.

Ular sunʼiy intellekt boʻyicha chatbotlar tahdidi boʻrttirilayotganligi, xakerlarning katta qismi, asosan, mavjud manbalardan kerakli kodlarni olishlari haqida aytishdi.

Xususan, firibgarlarning katta qismi “havaskor dasturchilar” boʻlib, ular chatbotlarning zararli dasturlarga qarshi toʻsiqlarni yengadigan darajada “yetarli bilimga” ega emas. Uddalaganlarining ham chatbotlar yordamida yasagan zararli kodlarining sifat darajasi ancha past ekanligi taʼkidlab oʻtildi.