Oʻziga xos Hover Camera X1 — aerofotokamera droni taqdim etildi

Masofaviy tasvirlarni olish uchun odatda dronlardan foydalaniladi, lekin katta, qimmat va murakkab kvadrokopter sotib olishni xohlamaydiganlar uchun yangicha dron koʻrinishidagi yechim ishlab chiqildi.

ZeroZero Robotics Hover Camera X1 dronidan foydalanish uchun har qachongidan ham osonroq deyilmoqda.

Oʻzidan oldingi modellar, yaʼni Hover Camera va Hover 2 kabi, X1 sharnir korpusga ega boʻlib, uni foydalanilmaganda 127 mmx86 mmx31 mm oʻlchamdagi 125 g oʻlchamgacha buklash imkonini beradi. Bundan tashqari, parragi atrofidagi himoya qobigʻi tufayli uni jarohat olishdan qoʻrqmasdan qoʻlda uchirish mumkin.

X1 masofadan boshqarilishi yoki kiritilgan iOS/Android ilovasi yordamida oldindan dasturlashtirilgan parvoz rejimlariga oʻrnatilishi mumkin. Biroq, uni avvalgi modellardan ajratib turadigan jihati shundaki, uni smartfon yoki masofadan boshqarish pultisiz ham ishlatish mumkin. Buning oʻrniga dronning oʻzida tugmani bosish orqali foydalanuvchilar beshta parvoz rejimidan birini tanlashlari mumkin.

Ushbu rejimlarga Hover (bir joyda muallaq turish); Kuzatish (harakatlanuvchi foydalanuvchi ortidan uchadi, uni kadrda olib boradi); Zoom Out (foydalanuvchi tasvirini kattalashtirishni boshlaydi, keyin kengroq tasvirga oladi); Orbita (foydalanuvchi atrofida aylana boʻylab uchadi, obyektni fokusdan qochirmaydi) va Birdʼs Eye (toʻgʻridan-toʻgʻri foydalanuvchiga yuqoridan qaraydi).

Rejimni tanlagandan soʻng, dron uch soniyada foydalanuvchi qoʻlidan havoga koʻtariladi.

X1 maksimal 2,7K/30 kadr/s video ruxsatiga ega va tasvirni silliq hamda bir tekis ushlab turish uchun mexanik podves, elektron tasvir stabilizatsiyasidan foydalanadi. Shuningdek, u 12 megapikselli kadrlarni suratga olishi mumkin. Video va fotosuratlar 32 Gb ichki xotirada saqlanadi. Uning kamerasidan olingan tasvir real vaqtda Wi-Fi orqali ilovaga maksimal 30 metr masofada uzatiladi.

Maʼlum qilinishicha, dronning 1050 mA/soat sigʻimli lityum batareyasining bir zaryadi taxminan 11 daqiqalik parvoz uchun yetarli boʻlishi kerak.

Hover Camera X-1 hozirda Indiegogo kampaniyasining loyihasi boʻlib, u yerda 329 dollarlik garov evaziga foydalanishga olish mumkin. Rejalashtirilgan chakana narxi 469$. Hozircha faqatgina Amazonda sotilmoqda.

U olgan kadrlarni quyidagi videoda koʻrishingiz mumkin:

Mavzuga oid

Soʻnggi yangiliklar

Chery Oʻzbekiston uchun yangi modellari tayyorlamoqda
Chery Tiggo 2 va Arrizo ning gibrid variantni shu yilning oʻzida sotuvga chiqarishi mumkin.
Avto
20 may, 17:26
Apple iPhone'ni koʻzlar yordamida boshqarish imkoniyatini taqdim etadi!
iOS 18 yangilanishida ko'zlar yordamida iPhone'ni boshqarish imkonini beruvchi yangi xususiyat taqdim etiladi
Smartfon
20 may, 14:59
Sony'dan yangilik: Xperia 1 VI AI kamerasi va kuchli zum imkoniyatlari bilan
Sony Xperia 1 VI, yangi avlod flagman smartfoni, o'yin, audio va displey imkoniyatlariga kuchli e'tibor qaratgan holda taqdim etildi.
Smartfon
16 may, 11:59
Apple yangi katta yangilikka muhtoj: Tim Kukda gʻoyalar tugab qolgan
Yillar davomida yangi iPhone kabi mahsulotlar boʻlmasligi aniq boʻldi. Apple apparat kompaniyasi hisoblanadi va Kuk bozorda shov-shuvli miqyosdagi boshqa mahsulotni chiqara olmadi.
Texnologiya
15 may, 18:20