Opera Aria — OpenAI GPT asosidagi brauzer uchun qoʻshimcha sunʼiy intellekt funksiyalari

Opera kompaniyasi ham soʻnggi texnologiya — sunʼiy intellektni loyihalarida qoʻllashda davom etmoqda. Bu safar kompaniya OpenAI GPT texnologiyasidan foydalanadigan brauzerga asoslangan yangi SI tizimidagi Opera Ariaʼni taqdim etdi.

Opera Ariaʼdan Internetda maʼlumot qidirish, matn yoki kod yaratish, turli javoblar va gʻoyalarni olish uchun foydalanish mumkin. Ishlab chiquvchilarning soʻzlariga koʻra, Opera Aria “Opera qoʻllab-quvvatlash bazasini biladi”, yaʼni u Opera mahsulotlari yoki xizmatlariga oid har qanday savollarga javob berishi mumkin.

Yangi tizim Composerʼning OpenAI GPT quvvatidan foydalanadi va uni boshqa sunʼiy intellekt modellari bilan bogʻlash uchun ishlatish mumkin, bu esa kelajakda oʻz imkoniyatlarini kengaytirish imkonini beradi.

Opera kompaniyasi bungacha One — kelajak brauzerini ishlab chiqqan, u ChatGPT va ChatSonic chatbotlaridan foydalanish uchun oʻrnatilgan yon panelga egaligi ma’lum qilingandi. Shuningdek, bungacha Opera o‘z brauzeriga bepul VPN qo‘shgan edi.