Navbatdagi “aʼlochi” sunʼiy idrok – “Claude” huquqshunoslikdan imtihonni muvaffaqiyatli topshirdi

Oʻz imkoniyatlaridan kelib chiqib javob berishga harakat qilgan sunʼiy idrok bilim darajasini olimlar past baholagan, biroq “Claude”ning oʻz fikrida qatʼiy turib olgani, javoblariga dalil keltirgan holda nuqtai nazarini oxirigacha ilgari surgani uchun olimlar unga yaxshi baho qoʻyishdi.

Googleʼning sunʼiy idroklarni test qilishi boshlanganidan soʻng turli AIʼlar haqida tahlillar ayniqsa koʻpaydi. Shulardan biri, ChatGPTʼning Google kompaniyasida 183 000 dollarlik maosh toʻlanadigan muhandislik suhbatidan oʻtgani boʻlgan edi. Biroq “Claude” hamkasbiga solishtirganda anchayin kuchsiz hisoblanadi.

Hozirgi kunda AI loyihalarning ishlab chiqarish sohalarida keng qoʻllanilayotgani guvohi boʻlmoqdamiz. Chunki sunʼiy aqlning barcha imkoniyatlari hali ochilmagan va uni yana qaysi sohalarda foydali boʻlishi aniq emas. Claude sunʼiy idrokining oʻziga xosligi shundaki, u ʼkonstitutsiyaviy sxemada” ishlab chiqilgan boʻlib, holatga obyektiv qarashga oʻrgatilgan. Qisqa qilib aytganda, AI “yaxshi”, “yomon”, “taqiqlangan” kabi tushunchalarni bilmaydi va shunchaki oʻzidagi maʼlumotlardan kelib chiqadi.

Shu bilan “Claude” turli bahsli mavzularda ishtirok etmaydi, u-yoki bu qarashni targʻib qilishga urinmaydi va keng qoʻllanish uchun xavfsiz deb hisoblanishi mumkin. Boshqa tarafdan, u turli murakkab savollarga javob berish, qiyin masalalarni yechishga qodir emas. Sunʼiy idrok istalgan mavzuda oʻz fikrini shakllantirib borishni istaydi, lekin soʻrovni “ahmoqona” yoki provokatsion mazmunda deb topsa, suhbatni davom ettirishdan bosh tortadi.

Shunday qilib, ChatGPT intellektual instrument vazifasini oʻtasa, “Claude” koʻproq sunʼiy shaxs sifatlariga yaqinroq.