Endilikda Windows 11ni iPhone bilan bogʻlash va iMessageʼdan xabar yuborish mumkin
17 may, 13:00Yangilangan Microsoft Phone Link dasturi iOSʼni qoʻllab-quvvatlaydi.
Microsoft oʻzining Phone Link ilovasini may oyining oʻrtalariga qadar foydalanishga topshirishga vaʼda bergandi va ayni kunda taqdim etdi ham.
Phone Link endi iPhone egalariga Windows 11 oʻrnatilgan kompyuterga ulanish, iMessage orqali xabarlar joʻnatish va qabul qilish, qoʻngʻiroq qilish va kiruvchi qoʻngʻiroqlarni qabul qilish hamda shaxsiy kompyuter yoki noutbukda iPhoneʼga kelgan bildirishnomalarini koʻrish imkonini beradi.
Phone Link ilovasi yangilanishi endi 85 ta mamlakatda mavjud va qoʻngʻiroqlar, xabarlar hamda bildirishnomalarni Bluetooth orqali iPhoneʼdan qabul qilib oladi.
Biroq bunda rasm ulashish yoki koʻrish funksiyasi yoʻq. Shuningdek, toʻliq yozishmalar va oldin kelgan barcha xabarlarni koʻrib boʻlmaydi.
Phone Link ilovasining soʻnggi yangilanishini Windows 11 o‘rnatilgan kompyuterga Microsoft Store’dan yuklash mumkin.
Avvalroq Windows 11 rasmlardagi keraksiz obyektlarni osongina olib tashlash funksiyasiga ega boʻlgandi. Spot Fix deb nomlanuvchi yangi funksiya tasvirdagi istalgan kamchilikni bir necha soniyalarda bartaraf qiladi. Buning uchun alohida ilova yuklash yoki pullik obunalar o‘rnatish kerak bo‘lmaydi.
Mavzuga oid
Soʻnggi yangiliklar
25 yanvar, 00:30
23 yanvar, 10:54
21 yanvar, 16:49
17 yanvar, 14:33
