Brauzeringizni yangilang va u odatdagidan 10% tezroq ishlaydi

Texnologiya

15 aprel, 09:17

Chromium yadrosining yangi versiyasi tufayli brauzerlar 10% tezroq ishlaydi. Endi brauzerdagi sahifalar tezroq ochiladi, kirish tarixi kutilmaganda oʻchib ketmaydi, saytlarga tezroq kiriladi.

Google Chrome va boshqa mashhur brauzerlar muhim yangilanishga ega boʻldi. Maʼlum boʻlishicha, Google nihoyat Chromium yadro kodini optimallashtirishni uddasidan chiqqan. Mazkur yangilikning foydali tarafi yanada ham tushunarliroq boʻlishi uchun, Google Chrome, Microsoft Edge, Opera, Atom va Yandex brauzerlari aynan shu yadroda ishlashini aytib oʻtish kifoya.

Yangilik nafaqat shaxsiy kompyuter brauzerlari, balki mobil versiyalariga ham aloqadorligi aytilmoqda. Shunga koʻra, Google Chromeʼning soʻnggi versiyalari va Chromiumʼga ega boshqa ilovalar smartfonlarda yaxshiroq ishlaydi.

Ammo kompyuterdagi 10% bu telefonlardagi ilovalarda 30%ga tengligini ham hisobga olish kerak.

Buning dalili sifatida Google Apple Speedometer 2.1 testi natijalarini koʻrsatdi. Uning natijalariga koʻra, Chromiumʼning eski versiyasiga ega brauzerlar testda 340 ball, yangisi esa 390 ball toʻplagan.

Google Chrome va boshqa brauzerlarning tezligini oshirish uchun dasturni soʻnggi versiyasiga yangilang. Kompaniyaning taʼkidlashicha, tezlikning 10% ga oʻsishi balki kichik raqam boʻlib koʻrinishi mumkin, biroq yangilangan brauzerlardan foydalanganda buni darhol sezish mumkin.

“Yollanma-qotil” ilovalar: Google Play dasturlariga zarar yetkazuvchi xizmatlar narxi maʼlum qilindi

Ammo shuni ham eslatib oʻtamizki, saytlarning ochilish tezligi serverlarga, joylashuvga, shaxsiy kompyuter va Wi-Fi ulanish sifatiga ham bogʻliq. Yuqoridagi yangilik Mozilla Firefox va Safari brauzerlariga taalluqli emas, chunki ular boshqa yadroga asoslangan.