Amazonning kosmosdan internet uzatuvchi loyihasi Starlink raqobatchisiga aylanishi mumkin

Kompaniya maʼlum qilishicha, bir vaqtning oʻzida turli kirish tezligiga ega terminallarning 3 ta versiyasi sotuvga chiqariladi. 7 dyuymli asosiy texnologiya 100 Mbit/s gacha tezlikda ulanadi, uni yigʻish va koʻtarib yurish mumkin.  

11 dyuymli versiya binoga oʻrnatish uchun moʻljallangan va 400 Mbit/s gacha tezlikni taʼminlaydi. Statsionar foydalanish uchun koʻproq mos keladi.

19x30 dyuymli terminalning uchinchi versiyasi 1 Gbit/s gacha tezlikda ulanishni taʼminlaydi. U korporativ foydalanuvchilar uchun moʻljallangan.

Terminallar qiymati va ulardan foydalanish uchun abonent qiymati hozircha maʼlum qilinmagan, shu sababli narx borasida Kuiper terminallari Starlink bilan qay darajada raqobatlashishini aytish qiyin.

Kuiper loyihasining dastlabki 2 sunʼiy yoʻldoshi joriy yilda, uchirilishi esa 2024-yilda boshlanishi kutilmoqda. Kelgusi yilning oxiriga kelib, birinchi foydalanuvchilar tarmoqqa kirish imkoniyatiga ega boʻladi.

Maʼlumot uchun, Amazon Ilon Mask kompaniyalariga raqobatchi boʻlish talabida boʻlganlarning birinchisi emas, oldinroq Xitoy Yer quyi orbitasida butun dunyo boʻylab internet aloqasini tarqatish uchun Amerikaning Starlink kompaniyasiga teng keladigan ulkan sunʼiy yoʻldosh tarmogʻini qurayotgani xabar berilgandi.