“Aytishniklarning klassik muammosi” — ijtimoiy tarmoqlarga chalgʻimaslikning yechimi topildi

Kaliforniyalik dasturchi Kemeron Perrinning ish paytida qisqa muddat ichida diqqatni vazifaga qaratish uchun “monk mode” rejimini ishlab chiqdi.

26 yoshli aytishnikning aytishicha, u oldinlari juda tez chalgʻib qolar va natijada ishdagi qilayotgan vazifasi kechikar yoki eng oson topshiriqlari ham uzoq vaqtda qilib topshirardi:

“Kuzatishlarim natijasida, shaxsan oʻzim tez-tez ish jarayonida beixtiyor ijtimoiy tarmoqlarga kirgan, turli mavzudagi maqolalarni oʻqiyotgan yoki internetda maqsadsiz oʻtirgan boʻlib chiqardim”, — dedi u Business Insider nashriga bergan intervyusida.

Bu holat vaqtining asosiy kushandasi va ish samaradorligining tushib ketishiga sabab boʻlayotganini anglagan dasturchi ishlash tartibini oʻzgartirdi.

“Buning uchun kichik vazifalardan boshlab bosqichma-bosqich kattalariga oʻtishga kirishdim. Avval eng kam vaqt talab qiladigan va kichik vazifalar, bora-bora murakkabroqlariga oʻtiladi, faollik asta-sekin kuchaytirib boriladi”, — dedi Perrin.

Dasturchi birinchi marta ingliz tilida “monk mode” (“rohib rejimi”) deb nomlanadigan yangi ish uslubini 2022-yil fevralida sinab koʻrdi.

“Diqqatni jamlash uchun avvaliga ikki soatga barcha eʼtiborimni tortishi mumkin boʻlgan omillarni bartaraf qildim. Atigi 2 soat ichida telefonim bildirishnomalarini oʻchirdim, stolim ustidagi barcha ortiqcha buyumlarni olib tashladim, kompyuterimdagi ijtimoiy tarmoq saytlarini yopdim”, dedi amerikalik aytishnik.

Perrinning aytishicha, ish samaradorligi shunda juda tez sezilgan.

“Men bir kun ichida bir haftada bajarganimdan koʻra koʻproq vazifalarni bajardim. Aslida esa ish uchun oldingidan kamroq soat sarflagan boʻlib chiqdim! Men ish kunimni toʻqqiz-oʻn soatdan taxminan olti-yetti soatga qisqartirdim”.

Mavzuga oid

Soʻnggi yangiliklar

TikTok Shop: yana bir ijtimoiy tarmoq doʻkoni qanchalik xavfsiz?
Tarmoq foydalanuvchilari For You boʻlimida TikTok doʻkonidan xarid qilish mumkin boʻlgan mahsulotlar reklamalari tez-tez ko‘rinayotganini payqashdi.
Ijtimoiy tarmoqlar
23 fevral, 09:52
Apple Vision Pro haqida barcha muhim va qiziq ma’lumotlar
Taqdimotidan 1 yil oʻtib — 2024-yilning 2-fevral kuni Vision Pro sotuvga chiqarildi va ayni paytda dunyo boʻylab muhokama mavzusiga aylandi.
Texnologiya
14 fevral, 16:15
Asus ROG Strix Scar 18: o’yin ishqibozlari uchun “monstr-kompyuter”
18 dyuymli, ulkan va noqulay oʻyin kompyuteri bilan sizni nimalar kutayotganini tasavvur qilish qiyin. Ammo…
Geyming
09 fevral, 17:54
2024-yilda eng yaxshi byudjetli smartfonlar xususiyatlari
Quyida narxi oʻrtacha 150-300$ atrofidagi smartfonlarni sotib olayotganda qanday xususiyatlarga eʼtibor berish kerakligi haqida qisqacha qoʻllanmani toʻpladik.
Smartfon
05 fevral, 16:20