Apple qurilmalarini Oʻzbekistonda qanday sotib olish kerak(mas)?

Tahlil

24 iyul, 11:48

Bunday qurilmalar odatda IMEI kodiga ega boʻlmaydi, chunki bojxona nazoratidan oʻtmagani tufayli rasmiylashtirilmagan boʻladi.

Bloger Temurmalik Elmuradovning telegram blogida Oʻzbekistonda sotilayotgan iPhone smartfonlarini qonuniy va noqonuniysidan ajratish haqida maʼlumot berib oʻtdi. Quyidagi rasmlarda koʻrib turganingizdek qonuniy va kontrabanda orqali olib kirilgan qurilmalar haqida xabar berilgan.

Aslida, noqonuniy Apple qurilmalari har doim sotuvda boʻlgan va “chekka-chekkalardagi” doʻkonlarda salkam yashirincha sotilgan.

Ammo hozirda “kulrang” Apple qurilmalari bozori anchagina “gullab-yashnamoqda” — rasman nazoratdan oʻtmagan qurilmalar marketingi faol yuritilmoqda, ijtimoiy tarmoqlarda reklamalar qilinyapti va alohida roʻyxatdan oʻtgan doʻkonlar nomi ostida sotilyapti.

Bunday joylardan sotib olingan iPhone, MacBooks, iMacʼlarning nosoz chiqishi, kamchiliklari boʻlishi, vaqt oʻtib ishlamay qolishi ehtimoli yuqori boʻladi. Bunday qurilmalar oʻgʻrilangan, “usta koʻrgan” va hokazo boʻlishi mumkin.

Nima qilish kerak?

Apple qurilmalarini xarid qilishdan oldin Toshkentdagi vakolatli sotuvchilar roʻyxatini Apple veb-saytidan tekshirib oling — https://locate.apple.com/uz/en/sales?pt=all&lat=41.310577392578125&lon=69.28178405761719&address=Tashkent%

Hozir u yerda 11 ta doʻkon bor, lekin ularni ham kuzatib borishingiz kerak, shuning uchun sotib olayotganda iSupport.uz orqali qurilmaning seriya raqamini kiritishingiz kerak.

Agar sizga qoʻshimcha maʼlumot kerak boʻlsa, Internet batafsil koʻrsatmalarga toʻla.

Buning muhimligi shundaki, biz doim ham ixtiyoriy ravishda “kulrang” iPhone/MacBook/iMacʼni sotib olmaymiz, yaʼni noqonuniy mahsulotni asli kabi sotishga urinadigan firibgarlarga uchmaslikni oldini olish mumkin boʻladi.

“Chiroyli oʻramga va doʻkonlardagi barcha vakolatli sotuvchi yozuvlariga ishonmaslik kerak, hatto ular taniqli savdo markazlari boʻlsa ham”, deydi bloger.“Oʻzini Apple hamkori sifatida koʻrsatuvchi kompaniyalar koʻpayib bormoqda, shuning uchun doimo “ishoning, lekin tekshirib oling” va hamma narsa yaxshi boʻladi”.