12-sentyabr uchun Apple nimalarni tayyorlagan? Kompaniya taqdimoti haqida qisqacha

Quyida biz Apple tadbirida kutayotgan barcha eʼlonlarni, jumladan, yangi dasturiy taʼminot va apparat vositalari haqida qisqacha maʼlum qilamiz.

Bu yilgi Apple tadbiri 12-sentyabr kuni boʻlib oʻtadi. Apple kompaniyasining tadbirga taklifnomasida “Moʻjizalarga tashnalik” shiori yozilgan boʻlib, koʻk va kulrang ranglar uygʻunligidan iPhone 15 uchun asosiy tus boʻlishi mumkin, deb taxmin qilishmoqda.

“Moʻjizalarga tashnalik” tadbiri gibrid uslubdagi tadbir boʻlib, uni ham oflayn, ham online tomosha qilish mumkin. Online tadbir oldindan yozib olingan lavhalar tomoshasidan iborat boʻlsa, oflayn yopiq taqdimotda mehmonlar Apple Parkʼdagi Stiv Djobs teatridagi spektaklni tomosha qilib iPhone 15 va boshqa yangi qurilmalar bilan yaqindan tanishadilar.

iPhone 15 va iPhone 15 Plus Apple kompaniyasining shu yilning sentyabr oyida boʻlib oʻtadigan tadbirida taqdim qilinadi.

Quyida iPhone 15 ning boshlangʻich darajasidagi modellarining xususiyatlari va oʻzgarishlari haqida qisqacha maʼlumot:

 • Oʻtgan yili birinchi marta iPhone 14 Proʻda paydo boʻlgan Dynamic Island iPhone 15ʼning Pro boʻlmagan versiyalarida ham mavjud boʻladi.

 • iPhone 15 zaryadlash va maʼlumotlarni uzatish uchun Lightning oʻrnini bosuvchi USB-C portiga ega boʻladi.

 • Mish-mishlarga koʻra, iPhone 15 mos keladigan rangli oʻralgan USB-C kabelini oʻz ichiga oladi. Ushbu kabelning uzunligi 1,5 metr boʻlishi mumkin, bu iPhone bilan birga kelgan hozirgi 1 metrlik Lightning kabelidan uzunroqdir.

 • A15 Bionic chipini A16 Bionic chipiga yangilash orqali samaradorlik va ishlash yaxshilandi.

 • Qoʻshimcha aksessuarlar uchun 15 Vt simsiz zaryadlashni taʼminlaydigan yangi Qi2 simsiz zaryadlash standartini qoʻllab-quvvatlash.

 • iPhone 15 ranglari: qora, yashil, koʻk, sariq va pushti.

iPhone 15 va iPhone 15 Plus oʻzidan oldingilari bilan bir xil narxda boʻlishi mumkin, mos ravishda 799 va 899 dollar. 12-sentyabr kuni eʼlon qilinganidan soʻng iPhone 15 ga oldindan buyurtmalar 15-sentyabrda boshlanishi mumkin, mijozlarga birinchi yetkazib berish 22-sentyabrda boshlanadi.

iPhone 15 Pro va iPhone 15 Pro Max bu yil katta oʻzgarishlar, jumladan, dizayn yangilanishlari, sezilarli darajada yaxshilangan ishlash va kamera yangilanishiga ega boʻlishi kutilmoqda.

Yangi iPhone 15 dan tashqari, Apple yangi Apple Watch Series 9 yangilanishini ham rejalashtirmoqda.

Biroq, yangi Apple Watch Series 9 katta oʻzgarishlarsiz taqdim qilinishi kutilmoqda.

Mish-mishlarga koʻra, yangi Apple Watchʼdagi yagona oʻzgarish — ichidagi yangi protsessor boʻladi. Xabar qilinishicha, Apple Watch Series 9 yangi S9 protsessorida ishlaydi, bu esa yaxshilangan unumdorlik va batareya quvvatini taʼminlaydi.

Xabarlarga koʻra, Apple shuningdek, toʻqilgan materiallar va magnit qisqichli yangi tasma dizaynini taqdim etishni rejalashtirmoqda.

Xabarlarga koʻra, iPhone 15 USB-Cʼga oʻtadi, Apple shuningdek, sentyabrdagi tadbirida AirPods Proʻning USB-C zaryadlovchi qutisi bilan yangi versiyasini taqdim etadi. Lightningʻdan USB-Cʼga oʻtish yangi AirPods Proʻdagi yagona oʻzgarish boʻlishi kutilmoqda. 

Apple shuningdek, AirPods Pro zaryadlash qutisining alohida USB-C versiyasini sotadi, shuning uchun mavjud foydalanuvchilar butunlay yangi toʻplamni sotib olishlari shart emas.

Yangi qurilmalardan tashqari, Apple sentyabr oyida boʻlib oʻtadigan tadbirda iOS 17 va boshqa yangi dasturiy taʼminot yangilanishlari haqida batafsil maʼlumotlarni eʼlon qiladi. Bunga iOS 17, watchOS 10, tvOS 17 va iPadOS 17 kiradi. Ushbu yangilanishlar birinchi marta iyun oyida WWDCʼda eʼlon qilingan va shu vaqtdan beri beta-sinovda.

Sentyabr oyidagi maxsus tadbirida Apple ushbu dasturiy taʼminot yangilanishlarining chiqarilish sanasini eʼlon qiladi.