Zamonaviy koʻrinish va yangilangan strategiya: Nokia logotipini oʻzgartirdi

Smartfon

27 fevral, 10:25

Kompaniya so‘nggi 60 yilda ilk bor logotipini o‘zgartirdi

Finlyandiyaning telekommunikatsiya qurilmalari ishlab chiqaruvchisi Nokia kompaniyasi oʻz strategiyasi va logotipini oʻzgartirdi.

Bu haqida kompaniya saytida maʼlum qildi:

“Kompaniyaning yangi logotipi joʻshqin, dinamik va zamonaviy Nokia timsoli boʻlib, uning qadriyatlari va missiyasini oʻzida aks ettiradi. U hamkorlik ramzi hisoblanadi”.

Brendning yangilanishi kompaniya strategiyasining ham oʻzgarishi natijasi hisoblanadi. Endilikda Nokia barcha segmentlarda texnologiya yetakchiligiga intilishni rejalashtirmoqda.

Xususan, kompaniya tarmoqlar sohasida faol rivojlanishni davom ettirishni rejalashtirmoqda va.. nima deb oʻylaysiz? — allaqachon, 6G mobil aloqasini yaratish boʻyicha tadqiqotlarni boshlab yuborgan.

“Biz bugungi kunda B2B texnologiya innovatsiyasida yetakchi ekanligimizni namoyish qilish uchun brendimizni yangilamoqdamiz. Bu oʻsha siz-u biz bilgan Nokia nomi, lekin endigi Nokia oldingisidan mutlaqo farq qiladi — bunisini hali dunyo koʻrgan emas”, — kompaniya prezidenti Pekka Lundmark.