Xiaomi Lamborghini uslubidagi smartfonni namoyish etdi

Redmi va Lamborghini oʻrtasidagi hamkorlik yanada kuchaymoqda: bu ularning ikkinchi loyihasi.

Xiaomi, 19-iyulda boʻladigan rasmiy taqdimotdan oldin, Redmi K70 Ultra flagmanining maxsus versiyasi Champion Editionni namoyish etdi. Bu yangi model Lamborghini Huracan Super Trofeo EVO2 sportkaridan ilhom olgan va uning rang-barang dizayni zaytun va apelsin ranglarida sizni hayratda qoldiradi. Cheklangan nashr Redmi K70 Ultra'dan kameralar blokinin noyob shakli, Italiya avtomobil ishlab chiqaruvchisining ramzi, karbon materiallari va oltin qoplamali ob'ektivlar bilan ajralib turadi.

Qurilmaning komplekti ham diqqatga sazovor: unda 120 Vt quvvat bloki, maxsus dizayndagi himoya qobiqi va SIM-karta olish uchun skrepka mavjud. Telefon qutisi ham shu oʻziga xos uslubda bezatilgan.

Hozircha Xiaomi yangi qurilmasining barcha xususiyatlarini ochiqlamagan, lekin taxminlar boʻyicha, Redmi K70 Ultra Champion Edition avvalgi Redmi K70 Ultra modeliga oʻxshash xususiyatlarga ega boʻlishi kutilmoqda. Dasturiy yangiliklarga kelsak, yangi smartfonda sportkar ikonkalari va fon rasmlarini oʻz ichiga olgan maxsus tizim mavzusi mavjud. Eslatib oʻtamiz, Redmi K70 Ultra modeli oʻzining kuchli Mediatek Dimensity 9300+ chipseti (AnTuTu'da 2,3 milliondan ortiq ball toʻplagan), 24 GBgacha boʻlgan RAM va 1 TBgacha ichki xotirasi bilan tanilgan. Asosiy kamera 50 MP boʻlib, Sony IMX906 sensori bilan jihozlangan, shuningdek, qoʻshimcha 8 MP va 2 MP kameralar ham mavjud.

Bu qurilma ajoyib 144-gertsli OLED ekranga ega, 1,5K aniqlikda tasvir koʻrsatadi va 5500 mAh quvvatli batareyasi 120 Vt tez zaryadlashni qoʻllab-quvvatlaydi. Shuningdek, u IP68 standarti asosida suv va changdan himoyalangan.

Redmi K70 Ultra'ning ajoyib bir jihati Pengpai T1 chipidir, bu chip Wi-Fi ishlashini 12%, GPS ishlashini 20% va 5G Wi-Fi signalining kuchini 58% oshirish imkoniyatiga ega. Bundan tashqari, smartfonning Furious Engine texnologiyasi bor, bu oʻyinlarni 1,5K aniqlikda 120 fpsgacha "tezlashtirish" imkoniyatini yaratadi, shu tufayli oʻyinlarni yanada yaxshi va silliq oʻynash mumkin.

Narx va mavjudligi

Redmi K70 Ultra Champion Edition narxi hali e'lon qilinmagan. Yangilik narxlari 19-iyulda boʻladigan taqdimot vaqtida e'lon qilinishi kutilmoqda.

Mavzuga oid

Soʻnggi yangiliklar

Xiaomi Redmi Turbo 4 AnTuTu reytingida eng kuchli "subflegmanlar" ro‘yxatida birinchi o‘rinni egalladi
AnTuTu benchmarki mart oyi uchun eng kuchli ishlovchi Android-subflegmanlar reytingini e’lon qildi.
Smartfon
02 aprel, 14:03
Sony WH-1000XM6 quloqchinlari 2025 yil may oyida chiqishi mumkin
Xabar aniq sanani ko‘rsatmagan bo‘lsa-da, bazi manbalar ularning may oyining birinchi yoki ikkinchi haftasida taqdim etilishi mumkinligini taxmin qilmoqda.
Quloqchinlar
02 aprel, 08:45
Vivo arzon narxlarda kuchli batareyaga ega Y300 Pro+ smartfonini taqdim etdi
bu telefon bir zaryadda boshqa modellarga qaraganda ancha uzoq ishlaydi.
Smartfon
01 aprel, 11:15
Telefon kamerasining sifatini baholash uchun qaysi parametrlarni e’tiborga olish kerak?
Bu ma'lumotlar 2025-yil bozori uchun dolzarb bo'lib, telefoningizning kamera sifatini baholashda va yangi telefon xarid qilishda yordam beradi.
Smartfon
16 fevral, 21:56