Smartfonlar haqida afsona va haqiqatlar: qizigan qurilmani muzlatkichga qoʻyish kerakmi?

Baʼzan kishilarning telefondan foydalanish boʻyicha bergan maslahatlarini eshitib hayratga tushamiz, biroq aslida u foydali boʻlsa-chi? Yoki aksincha…

Hali knopkali telefonlar urfda boʻlgan vaqtlarda odamlar shishib qolgan telefon batareyasini urib yoki tishlab ishlatishardi va qurilma ham “binoyidek ishlab ketardi”. Quyida shunday ajabtovur maslahatlardan birini koʻrib chiqamiz:

Smartfonni muzlatkichga qoʻyishdan nima foyda?

Smartfon bilan bogʻliq muammolarni xalqona “davolash”ning bir nechta usullari mavjud. Ulardan baʼzilari haqiqatan ham mantiqli koʻrinadi, baʼzilari esa butunlay gʻayrioddiy. Misol uchun, haddan tashqari qizib ketgan qurilmani boʻyicha keng tarqalgan muzlatgichga qoʻyish taklifini olaylik.

Smartfonning haddan tashqari qizishi

Qishda smartfon qizib ketishi ehtimoli yozga qaraganda ancha past. Bu, ayniqsa, agar siz mashinada smartfondan foydalansangiz, masalan, navigator sifatida old oynaga oʻrnatsangiz tez sodir boʻladi. Bunday sharoitda qurilmasidan foydalanishni davom ettirish faqatgina zararli boʻlishi mumkin.

Haddan tashqari qizib ketgan telefonni muzlatkichga qoʻyish esa, uni sovitishning mantiqiy yechimi kabi tuyuladi. Gap shundaki, haroratning keskin oʻzgarishi, qurilmaga hech qanday foyda keltirmaydi. Harorat farqi tufayli qurilma ichida kondensatsiya hosil boʻlishi va bu smartfonga zarar yetkazishi mumkin. Xuddi shu narsa aksincha, yaʼni muzlab qolgan qurilmani sunʼiy isitish uchun ham amal qiladi.

Toʻgʻri yechim: qurilmani ustidagi chexolini olib tashlagan holatda salqinroq, soya joyda qoldiring. Muzlatgichga esa unchalik ehtiyoj yoʻq.

Muzlatkich ming “dardga” davo(mi?) 

Muzlatkich yoki sovitkich nafaqat qizib ketgan qurilmaga, balki telefon bilan bogʻliq boshqa koʻplab muammolarni hal qilishda ham tavsiya etilar ekan.

Aytaylik, telefonni muzlatkichga qoʻyib uni tezda quvvatsizlantirish mumkin ekan. Aslida esa, bu fakt qisman toʻgʻri: sovuq haroratda smartfon tezroq zaryadsizlanishi mumkin. Misol uchun, qishda smartfon quvvati nisbatan tez ketadi. Lekin, muzlatkichda “zaryadi tashlab yuborgan” smartfonni biroz qizdirishingiz bilanoq u qayta yonadi.

Boshqa afsonalar

Buni qarangki, yuqoridagilardan tashqari, telefon tarmoqqa ulanmasa, quloqchin rejimidan chiqmasa, zaryad olmay qoʻysa, Wi-Fi yoki Bluetooth ishlamay qolsa va shu kabi boshqa holatlarda ham muzlatkich davo boʻlishi haqida xalqona maslahatlar berilar ekan. 

Bizning tavsiyamiz esa, agar siz YouTubeʼda turli holatlarni sinab koʻrsatishni yoqtiruvchi bloger boʻlmasangiz, bunday maslahatlarni amalda sinab koʻrmaganingiz maʼqul.

Internetda muzlatkichga qoʻyib ishlatishni maʼqullagan turli sharhlarni ko‘p uchratish mumkinligiga qaramay, ba’zilar bunday qilishning mutlaqo foydasizligi haqida bilar ekan. Qizigʻi shundaki, aksariyat shu turdagi maslahatlar negadir Apple smartfonlari bilan bogʻliq ekan.

Oʻz navbatida, tavsiya koʻrinishida taqdim etilgan mazkur maqolamiz soʻnggida sizga, telefoningiz bilan bogʻliq muammolarda jonli yechim —mutaxassislarga murojaat qilishni maslahat beramiz.

Oldinroq “aytishniklarning klassik muammosi” — ijtimoiy tarmoqlarga chalgʻimaslikning yechimi topilgani haqida xabar bergan edik.

Mavzuga oid

Soʻnggi yangiliklar

TikTok Shop: yana bir ijtimoiy tarmoq doʻkoni qanchalik xavfsiz?
Tarmoq foydalanuvchilari For You boʻlimida TikTok doʻkonidan xarid qilish mumkin boʻlgan mahsulotlar reklamalari tez-tez ko‘rinayotganini payqashdi.
Ijtimoiy tarmoqlar
23 fevral, 09:52
Apple Vision Pro haqida barcha muhim va qiziq ma’lumotlar
Taqdimotidan 1 yil oʻtib — 2024-yilning 2-fevral kuni Vision Pro sotuvga chiqarildi va ayni paytda dunyo boʻylab muhokama mavzusiga aylandi.
Texnologiya
14 fevral, 16:15
Asus ROG Strix Scar 18: o’yin ishqibozlari uchun “monstr-kompyuter”
18 dyuymli, ulkan va noqulay oʻyin kompyuteri bilan sizni nimalar kutayotganini tasavvur qilish qiyin. Ammo…
Geyming
09 fevral, 17:54
2024-yilda eng yaxshi byudjetli smartfonlar xususiyatlari
Quyida narxi oʻrtacha 150-300$ atrofidagi smartfonlarni sotib olayotganda qanday xususiyatlarga eʼtibor berish kerakligi haqida qisqacha qoʻllanmani toʻpladik.
Smartfon
05 fevral, 16:20