Samsung Galaxy S23 FE smartfoni narxiga qanchalik arziydi?

Insayder Abxishek Yadav Hindistonda Samsung Galaxy S23 FE smartfoni narxini oshkor qildi. Maʼlumotlarga koʻra, 128 GB flesh-versiyasining narxi 660$, 256 GB flesh versiyasi esa 720 dollarga baholangan.

Oldingi, S21 FE versiyasi 600 dollarga (AQShda) sotilganini hisobga olsak, Galaxy S23 FE bilan taqqoslaganda, yangi mahsulot narxi sezilarli darajada oshganini bilish mumkin. Ammo muammo shundaki, yil boshida chiqarilgan Galaxy S23ʼni Hindistonda 800 dollarga yoki undan ham arzonroqqa sotib olish mumkin, Galaxy S23 esa unumdorlik jihatidan Galaxy S23 FEʼdan yuqoriroqligini unutmaslik kerak.

Dastlabki maʼlumotlarga koʻra,

- Galaxy S23 FE diagonali 6,4 dyuymli

- 120 Gts chastotali Dynamic AMOLED ekran,

- 50, 8 va 12 MP datchiklarga ega kamera,

- 25 Vt quvvatlanishni qoʻllab-quvvatlaydigan 4500 mA/soat akkumulyatorga ega boʻladi.

Texnik xususiyatlariga koʻra, Galaxy S23 FE Galaxy A54ʼga oʻxshash boʻladi, narxi esa Galaxy S23ʼnikiga oʻxshab ketadi.