Mavjud bo‘lmagan iPhone 15 Pro va Pro Max uchun oldindan buyurtma berish boshlandi (narxlar)

Smartfon

18 may, 18:31

Caviar kompaniyasi bugundan boshlab flagmanlarni nomlari, rangi va rasmlari bilan sotuvga chiqardi. Narxi ~1 563 dollardan boshlanadi.

Maʼlum boʻlishicha, Caviar zargarlik kompaniyasi Rossiyada 18-maydan boshlab iPhone 15 pozitsiyalari va ranglari uchun oldindan buyurtma berish ochilganini eʼlon qildi.

Narxi bir yoqda tursin, hali yakuniy koʻrinishi aniq boʻlmagan iPhone 15 2023-yilning sentyabr oyida taqdim etiladi. Hozirgacha mazkur model haqida juda koʻplab va turlicha insayder maʼlumotlari tarqalgan boʻlib, ularning qay biri soʻnggi versiyaga mos tushishi mutlaqo nomaʼlum.

Caviar maʼlumotlariga koʻra, yangi iPhoneʼlar toʻrtta rangda boʻladi: asosiy qora, oltin va kumush ranglar, shuningdek, trend toʻq qizil. Narx xotira va smartfon hajmiga bogʻliq (128 GB dan 1 TB gacha).

iPhone 15 Pro narxlari:

128 GB — ~1 563$;

256 GB — ~1 688$;

512 GB — ~1 939$;

1 TB — ~2 188$.

iPhone 15 Pro Max narxlari:

128 GB — ~ 1 688$;

256 GB — ~ 1 813$;

512 GB — ~ 2 063$;

1 TB — ~ 2 313$.

Ko‘rib turganingizdek, narxlar oldinroq bir Apple insayderi tomonidan taqdim etilgan summadan ko‘proq — yangi 15 modeli eng qimmat Apple smartfoniga aylanishi kutilmoqda. AQShda kutilayotgan narxi — 1 199$. Albatta, yetkazib berish qiymatini hisoblaganda, boz ustiga Rossiyaning sanksiya ostida bo‘lgani uchun uchraydigan qiyinchiliklar hisobiga narx adolatli bo‘lishi mumkin. Qolaversa, smartfon Oʻzbekistonga kelgunicha ham ancha-muncha qimmatlashishi aniq.

iPhone 14 Pro Max yoki Samsung Galaxy S23 Ultra? Deyarli bir xil narxdagi ikki flagmanni taqqoslaymiz

Narx ichki maʼlumotlarga va Caviar savdo tajribasiga asoslanadi. Kompaniyaning taʼkidlashicha, narx yorligʻi belgilangan — u Apple taqdimotidan keyin ham oʻzgarmaydi. Oldindan buyurtma berish bosqichida pul toʻlash shart emas, shunchaki ariza toʻldirish va navbat band qilish yetarli.