iPhone 15 rasmlari internetda tarqaldi

iPhoneʼning navbatdagi rusumi mutlaqo yangi rang va dizaynda boʻlishi taxmin qilinmoqda.

Apple har bir yangi modelida iloji boricha “wow” effekti yaratishga harakat qiladi. Lekin negadir bu odatda smartfon rangi yoki oʻlchami kabi xususiyatlar bilan cheklanib qolaveradi. iPhone bu safar ham shu anʼanaga sodiq qolishi mumkin, deb sizni hafsalangizni pir qilmoqchi emasmiz, chunki sentyabrda anʼanaviy taqdimoti boʻlib oʻtadigan iPhone 15 ranglari haqiqatda sizni hayratlantiradi.

Rang boʻyicha anchayin mutaxassis boʻlib qolgan Apple, iPhone 14 Proʻni toʻq binafsha, iPhone 14 ni oʻzini esa binafsha rangda taqdim qilgan edi. Tan olish kerak, oldingi interatsiyasidan funksional jihatidan katta farq qilmaydigan 14 modellarining aynan rangi smartfonlarning yaxshi kutib olinishida ahamiyatga ega boʻldi.

9T5MAC nashrining maʼlum qilishicha, nomaʼlum manba orqali yangi iPhone 15 va 15 Pro modellari render rasmi tarqalgan. Yangi modellar toʻq qizil rangda boʻladi (#410D0D — “toʻq siyena” tusli rang).

iPhone 15 standart modellari esa, toʻq pushti va musaffo osmon rangida boʻladi. #CE3C6C raqamli pushti rang toʻqroq tusga ega boʻlib, “telemagenta”, deb nomlangan. Musaffo osmon rangidagi koʻk tus esa #4DB1E2 kod bilan koʻk “pikton”, deb nomlangan.

Mazkur ranglar palitrasi anʼanaviy qora, oq va qizil ranglari bilan taqdim qilinadi. Eʼtiborli jihati, 15 ning toʻq qizil rang tusi shu paytgacha hech qaysi Apple soatlari yoki smartfonlarida uchramagan, deyilmoqda.

Odatda model rasman taqdim qilinishigacha uning bir necha marta oʻzgartirilishini hisobga olsak, mazkur taqdim qilingan ranglar oxirgi variant boʻlmasligi mumkin.

Kompaniya mart oyida iPhone 15-ʼni ishlab chiqarishning EVT bosqichini (muhandislik testlarini) boshlaydi.

Mavzuga oid

Soʻnggi yangiliklar

Xiaomi Smart Band 9 yangi fitness brasletini taqdim etdi: narxi 50$ dan arzon
Endi bir marta zaryad qilgandan keyin 21 kungacha foydalanish mumkin
Texnologiya
20 iyul, 18:04
Xiaomi 14 Ultra haqida: 2024 yilning eng yaxshi telefonlari orasida
Xiaomi 14 Ultra — bu kompaniyaning bugungi kunda taklif etayotgan eng zamonaviy smartfonidir.
Smartfon
20 iyul, 12:55
Xiaomi Lamborghini uslubidagi smartfonni namoyish etdi
Redmi va Lamborghini oʻrtasidagi hamkorlik yanada kuchaymoqda: bu ularning ikkinchi loyihasi.
Smartfon
19 iyul, 10:11
iPhone 16 sotuvlari iPhone 15ga qaraganda yaxshiroq bo‘ladi. Kamida bu iPhone 15-dan 10 foizga ko‘p.
Ular iPhone 16 ga bo‘lgan talabni oshirish uchun sun'iy intellekt xususiyatlariga ishonadi
Smartfon
14 iyul, 11:08