Eng yaxshi kameraga ega smartfonlar reytingi: Oppo Find X6 Pro birinchi oʻrinda
12 aprel, 08:42DxOMark jamoasi Oppo Find X6 Pro smartfonining kamerasini sinovdan oʻtkazib qurilmaning imkoniyatlaridan shunchalik hayratda qoldiki, natijada flagmanga reytingning birinchi oʻrnini berishdi.
Oppo Find X6 Pro 50 megapikselli asosiy modul, 50 megapikselli ultra keng burchakli modul va 50 megapikselli teleobyektiv kameradan iborat tasvirga olish tizimi bilan jihozlangan.
DxOMark jamoasi sinovida Oppo Find X6 Pro kamerasi umumiy 153 ball olib eng yaxshi kameraga ega deb hisoblangan telefonlarning reytingida birinchi oʻrinni egalladi. Reytingning avvalgi yetakchisi – Honor Magic5 Pro 152 ballga ega boʻlgandi.
Mutaxassislar Oppo Find X6 Pro kamerasining afzalliklari orasida hatto past yorugʻlikda ham ajoyib detallarni, fotosuratlar va videolarda ishonchli hamda tez avtofokusni, chiroyli boke effektini, shuningdek videoga olish texnikasini ijobiy baholagan.
Kamchiliklardan: kontr yorugʻlikka ega portret fotosuratlarida kontrastning yoʻqligi, fotosuratlar va videolarda ekspozitsiyaning beqarorligi hamda baʼzi sharoitlarda teri ranglarini notabiiy qilib koʻrsatishi qayd etilgan.
Oppo smartfonlari kamerasining mutaxassislar e’tiboriga tushgani birinchi marta emas. Oldinroq taqdim etganimiz kameralar “jangida” Oppo Find X6 Pro va iPhone 14 Pro Max tasvirga olish imkoniyatlari solishtirilgandi.
Mavzuga oid
Soʻnggi yangiliklar
02 aprel, 14:03
02 aprel, 08:45
01 aprel, 11:15
16 fevral, 21:56
