2023-yilning eng yaxshi Xiaomi telefonlari

Smartfon

23 sentabr, 17:29

Mazkur yilda chiqarilgan, grafika xususiyatlari, batareya quvvati, kamera sifati va narxi asosida eng yaxshi Xiaomi telefonlarini saralab chiqamiz.

Tanlash uchun keng turdagi smartfonlarni taklif qiluvchi juda koʻp turli ishlab chiqaruvchilar bilan qaysi biri sizning ehtiyojlaringizga koʻproq mos kelishini aniqlash qiyin boʻlishi mumkin. Biz siz sotib olishingiz mumkin boʻlgan eng yaxshi Xiaomi telefonlari roʻyxatini tuzdik.

Demak, 2023-yildagi eng yaxshi Xiaomi telefonlari:

1. Xiaomi 13 Pro — hozircha shu paytgacha ishlab chiqarilgan eng yaxshi Xiaomi telefoni.

2. Xiaomi Redmi Note 12 Pro+ — eng yaxshi puliga arziydigan Xiaomi smartfoni.

Roʻyxat har qanday byudjet uchun eng yaxshi variantlarni taklif qilish orqali tanlovni osonlashtirishga yordam beradi. Bu yerda kuchli Xiaomi 13 Proʻdan tortib oddiy Redmi Note 11ʼga qadar yetarlicha tanlov bor.

3. Xiaomi Redmi Note 11 — eng yaxshi byudjetlik variant.

4. Xiaomi Black Shark 5 Pro — oʻyin oʻynash uchun eng yaxshi telefon.

5. Xiaomi 13 Ultra — fotosuratlar uchun eng yaxshi kameraga ega qurilma.

1. Xiaomi 13 Pro:

Afzalliklari:

120 Gts chastotali AMOLED displey

Barqaror batareya muddati

Tez zaryadlash

Katta ekran — 6,73 dyuym

Minuslari:

SD-karta sloti yoki eshitish uchun quloqchin sloti yoʻq.

Miui 14 foydalanuvchi interfeysi noqulay boʻlishi mumkin

Qimmat (1 300$).

Xiaomi 13 Pro — kuchli yuqori darajadagi flagman smartfon. Yuqori sifatli 1440 x 3200 120 Gts AMOLED displey bilan siz internetda oʻtirganingizda, video tomosha qilayotganingizda, oʻyin oʻynaganingizda yoki suratga tushganingizda bu aniq his qilasiz.

Garchi mazkur modelga iPhone 14 va Samsung Galaxy S23 Ultra bilan raqobatlashish ilojsiz boʻlsada, Miui 14 OS asosidagi Android smartfoni, umuman olganda anchayin kuchli smartfon.

2. Xiaomi Redmi Note 12 Pro Plus

Afzalliklari:

120 Gts chastotali AMOLED displey

Ajoyib kamera

Tez zaryadlash

Eshitish vositasi porti

Minuslari:

Koʻpgina oldindan oʻrnatilgan ilovalar xotirani koʻp sarflaydi.

Raqobatchilarga nisbatan dasturiy taʼminotni qoʻllab-quvvatlamaydi.

Xiaomi Redmi Note 12 Pro+ — bu ishlab chiqarilgan narxi uchun yaxshi qiymatga ega oʻrta darajadagi telefon. 6,67 dyuymli 120 Gts chastotali AMOLED displeyga ega, u Xiaomi 13 Proʻdan kichikroq, ammo baribir hayratlanarli darajada yengil va nihoyatda tiniq hamda yorqin displeyni taqdim etadi. Shuningdek, simli quloqchinni xush koʻruvchilar uchun quloqchin slotiga ega.

Umuman olganda, Xiaomi Redmi Note 12 Pro+ juda taʼsirli oʻrta diapazonli telefon boʻlib, u oʻzining koʻplab toʻgʻridan-toʻgʻri raqobatchilaridan ustun turadi. Dasturiy taʼminot nuqtai nazaridan baʼzi kamchiliklarga ega va yuqori darajadagi variantlar bilan bellasha olmaydi, lekin bu sizning kundalik foydalanish uchun ajoyib variant.

3. Xiaomi Redmi Note 11

Afzalliklari:

Chiroyli dizayn

SD karta uyasi

Aniq 90Hz AMOLED displey

Minuslari:

5G qoʻllab-quvvatlanmaydi

Oʻrtacha kamera

Sekin zaryadlash

Xiaomi Redmi Note 11 — bu boshlangʻich darajadagi telefon boʻlib, narxni hisobga olsak, puliga nisbatan ajoyib tanlov hisoblanadi.

Albatta, uni mazkur roʻyxatdagi oʻrta va yuqori darajadagi telefonlar bilan taqqoslab boʻlmaydi, lekin uning tejamkor narxi (birlamchi narxi 220$ atrofida) albatta, yaxshi variantga aylantiradi. 5000 mA/soat batareyasi yaxshi ishlaydi, ammo 33 Vt quvvat olish tezligiga qaramay, zaryadlash sezilarli darajada sekin.

Umuman olganda, agar siz kundalik ehtiyojlaringizni qondira oladigan va juda yaxshi oʻyin tajribasini taqdim etuvchi hamyonbop qurilma izlayotgan boʻlsangiz, Xiaomi Redmi Note 11 yaxshi byudjet varianti hisoblanadi.

4. Xiaomi Black Shark 5 Pro:

Afzalliklari:

Oʻyin uchun kuchli protsessor.

Aniq 144Hz OLED ekran.

Moslashtirilgan triggerlar.

Yaxshi kamera.

Minuslari:

Uzoq oʻyin seanslarida juda qizib ketadi.

Batareyaning oʻrtacha ishlash muddati.

Xiaomi Black Shark 5 Pro — bu professional mobil oʻyinlar uchun moʻljallangan kuchli qurilma. U Snapdragon 8 Gen 1 chipseti, tez va sezgir 6,67 dyuymli 144 Gts chastotali OLED displeyga ega boʻlib, u ochiq havoda foydalanish uchun yetarli darajada yorqin va agar siz biroz qoʻshimcha pul sarflashga tayyor boʻlsangiz, yuklash uchun 16 Gb tezkor xotira mavjud. 256 Gb ichki xotira — arzonroq versiyada ham sevimli oʻyinlaringiz uchun yetarlicha joy bor.

5. Xiaomi 13 Ulta:

Afzalliklari:

6,36 dyuym diagonali va 120 Gts chastotali yorqin AMOLED displey.

Toʻrt linzali ajoyib kamera.

Tez zaryadlash.

Ishlashning oʻta qulayligi.

Minuslari:

Biroz kattaroq, ogʻir dizayn.

Noqulay dasturiy taʼminot.
Qimmat (1 600$).

Xiaomi 13 Ultra dunyoning eng yaxshi kamerali telefoni deb ataladi va nima sababdan bunday atalishini tushunish oson: bir qarashdayoq, old tomondagi katta dumaloq kamera, ayniqsa, uni gorizontal holatda ushlab turganda, did bilan ishlanganligini koʻrish mumkin.

Umuman olganda, Xiaomi 13 Ultra juda kuchli kamerali telefon boʻlib, u boshqa sohalarda ham koʻplab afzalliklarni taqdim etadi. Biroq smartfon narxi nisbatan qimmat.

Yuqoridagi roʻyxat qanday saralab olindi?

Har qanday toifadagi eng yaxshi smartfonlarni tanlashda koʻplab omillarni hisobga olish kerak. Ushbu roʻyxat uchun eng yaxshi Xiaomi telefonlarini tanlayotganda, biz telefonning kundalik hayotingizga mos kelishiga eng muhim taʼsir koʻrsatadigan xususiyatlarga eʼtibor qaratdik.

Xiaomi va Redmi oʻrtasidagi farq nima?

Redmi telefonlari ham Xiaomi tomonidan ishlab chiqarilgan boʻlsa-da, Xiaomi va Redmi telefonlarida sezilarli farqlar mavjud. Umuman olganda, Xiaomi telefonlari Redmi telefonlariga qaraganda bir oz yuqoriroq narxda sotiladi va koʻproq xususiyatlarni taklif qiladi.

Albatta, tanlash mumkin boʻlgan sifatli Redmi telefonlari hali ham bor, shuning uchun nom sizni aldab qoʻymasin — qaysi telefon shaxsiy ehtiyojlaringiz va byudjetingizga mos kelishiga eʼtibor qaratish muhimroq.

Xiaomi telefonlari o‘zi qanchalik yaxshi?

Boshqa har qanday ishlab chiqaruvchi singari, Xiaomi ham yaxshi va unchalik yaxshi boʻlmagan telefonlarning keng assortimentini ishlab chiqaradi. Ular ichidan keraklisini tanlashda esa, mana biz yordam beramiz.