Xiaomi Pad 6 va Xiaomi Pad 6 Pro planshetlari haqida batafsil

Texnologiya

24 aprel, 11:30

Xiaomi 18-aprel kuni Xiaomi 13 Ultra telefoni va Xiaomi Band 8 brasleti bilan bir qatorda Pad 6 hamda Pad 6 Pro planshetlarini taqdim etdi.

Narxi qancha?

Xitoyda Xiaomi Pad 6 6GB/128GB asosiy modeli ~290 dollardan, Pro esa 8GB/128GB modeli uchun ~360 dollardan boshlanadi.

Afsuski, Xitoy narxlari har doim ham boshqa bozorlar narxlari bilan mos kelmaydi. Misol uchun, oldingi Pad 5 Pro xalqaro bozorga chiqarilmagan boʻlsada, oddiy Pad 5 Xitoydan tashqarida 369 dollardan sotuvga chiqarilgan edi. Bu safar ham xuddi shunday tarzda narxlar turlicha boʻlishi aniq.

Texnik xususiyatlari

Xiaomi Pad 6 — Snapdragon 870

Xiaomi Pad 6 Pro — Snapdragon 8+ Gen 1 chipsetiga ega.

Ikkalasi ham 2,8K oʻlchamli va 144 Gts chastotali 11 dyuymli LCD displey, shuningdek Dolby Atmosʼli toʻrtta dinamikka ega.

Pad 6 modeli 8+256 Gb gacha xotira, 8 megapikselli selfi kamerasi va 33 Vt quvvatga ega 8840 mA/soat akkumulyator, Pro esa 12+512 Gb gacha xotira, 20 megapikselli selfi kamerasi va 8600 mA/soat sigʻim,67 Vt quvvatga ega akkumulyator bilan jihozlangan.

Shuningdek, taqdimotda ko‘rsatilgan yana bir gadjet — Xiaomi 13 Ultra’ni bir zumda professional kameraga aylantiruvchi maxsus toʻplam haqida bu yerda batafsil tanishishingiz mumkin — https://giglink.uz/p/0258521