“Otto ismli kishi”: Netflixʼda xitga aylanayotgan navbatdagi kinofilm

Film kinoteatrlarda juda katta byudjet toʻplamagan boʻlsa-da, “Otto ismli kishi” filmi yaxshi kutib olindi va Netflixʼda haftaning eng koʻp tomosha qilingan filmlari roʻyxatida doimiy ravishda yuqori oʻrinni egallab bormoqda.

Odatda Netflixʼda filmlar qanday sababga koʻra ommalashishini aniq aytib boʻlmaydi. Biroq, reytingni koʻtarishga olib keluvchi baʼzi omillar mavjud boʻlib, ularni “Otto ismli kishi” filmida ham uchratish mumkin.

60 yosh boʻlishiga qaramasdan, hanuz oʻz shijoati va aktyorlik mahoratini saqlab qolgan Tom Xenks hanuz barcha yoshdagi amerikalik tomoshabinlarning kumiri hisoblanadi. 30 yildan ortiq vaqt davomida uni tanib kelgan muxlislar, tabiiyki yulduzni koʻrish uchun ham filmga qiziqishadi. “Otto ismli kishi” yangi voqeani aytib bermaydi, lekin loyihaga Tom Xenksning qoʻshilishi film reytingi koʻtarilishiga hissa qoʻshgan.

“Otto ismli kishi” albatta, blokbaster emas, lekin film piari koʻplab tomoshabinlarni 50 dollarlik chiptalarni sotib olishga majbur qila olgan. Biroq kinofilmni Netflixʼda chiqishi uni ommalashishiga zoʻr turtki berdi: odatda kinoteatrlarda tomoshabinlar nazaridan chetda qolib ketgan koʻplab  filmlar Netflix striming platformasida paydo boʻlishi bilanoq mashhurlikka erishadi.

“Otto ismli kishi” — bu katta ekranda tomosha qilinadigan film emas. Buning ustiga film ijodkorlari reklama va turli bilbordlarda uning nomi hamda syujeti haqida yetarlicha spoyler qilib qoʻyishgani tufayli tomoshabinlarning qiziqishi soʻngan.

Film uni tomosha qilishni boshlagan paytingizdanoq kayfiyatingizga yaxshi taʼsir qiladi: bu, atrofidagi odamlar tufayli, dunyo oʻzi oʻylagandan ham yaxshiroq ekanligini kashf etgan gʻamgin chol haqidagi hikoya. Bundan tashqari, koʻplab filmlarda ishlatiladigan voqealar rivojini eslatib yuborsada, film juda ham qiziqarli va maftunkor chiqqan.

Film voqealarida tomoshabin oʻzini koʻradi, qahramonlar holatini his qiladi va endi nima boʻlishini taxmin qila boshlaydi. “Otto ismli kishi” — bu ajabtovur qobiliyatga ega qahramon emas, holbuki Netflixʼga film koʻrish uchun kirganlarning koʻpchiligiga ham unday qahramonlar qiziq emas.

“Otto ismli kishi” hozirda Netflixʼda translatsiya qilinmoqda: https://www.netflix.com/title/81616256

Avvalroq Netflix koreys filmlari va seriallari uchun yana 2,5 milliard dollar ajratgani xabar berilgandi.