YouTube Music’da individual mikslar yaratish funksiyasi paydo bo‘ldi

“Radio Builder” deb nomlangan funksiya seshanba kuni ishga tushdi va unga iOS yoki Android ilovalaridagi YouTube Music bosh sahifasining “Musiqa tyuneringiz” boʻlimiga oʻtish orqali kirish mumkin.

Shaxsiy miksingizni yaratishda siz 30 tagacha ijrochini tanlashingiz va faqat ularni musiqasini tinglashni yoki ularga oʻxshash musiqachilarning qoʻshiqlarini qoʻshishni tanlashingiz mumkin. Shuningdek, siz tanlagan filtrlar boʻyicha mikslar yaratib beriladi.

 Radio Builder oʻrnatish jarayonini koʻrsatadigan video.

YouTube bu xususiyatni oʻtgan yili sinovdan oʻtkaza boshlagan edi va u oʻziga qoʻyilgan vazifalarni yaxshi bajarmoqda. YouTube Music’da allaqachon algoritmga asoslangan koʻplab radiostansiyalar va mikslar mavjud boʻlsa-da, aynan oʻzingiz yuritishingiz mumkin boʻlgan individual mikslarni tayyorlab berishi oʻziga xos va qulay hamda yaxshigina vaqtingizni tejashga yordam beradi.

Eng quvonarli jihati shundaki, ushbu funksiya YouTube Musicʼning bepul versiyasida ham mavjud.